ಪ್ರಚಾರದ ಮಧ್ಯೆ ಎಂಡಿ ಪರೀಕ್ಷೆಗೆ ಹಾಜರಾದ ಬಿಜೆಪಿ ಅಭ್ಯರ್ಥಿ ಡಾ. ಅವಿನಾಶ್‌ ಜಾಧವ್‌..

ಡಾ. ಅವಿನಾಶ್ ಜಾಧವ ಬಿರುಸಿನ ಪ್ರಚಾರದ ನಡುವೆ ಇಂದು ಎಂಆರ್​ಸಿಎಂ ಮೆಡಿಕಲ್ ಕಾಲೇಜಿನಲ್ಲಿ ಎಂಡಿ ಪರೀಕ್ಷೆ ಎದುರಿಸಿದ್ದಾರೆ.

ಕಲಬುರಗಿ: ಡಾ. ಉಮೇಶ್​ ಜಾಧವ ಅವರ ಪುತ್ರ ಹಾಗೂ ಚಿಂಚೋಳಿ ಉಪ ಚುನಾವಣಾ ಕಣದ ಬಿಜೆಪಿ ಅಭ್ಯರ್ಥಿ ಡಾ. ಅವಿನಾಶ್ ಜಾಧವ್ ಬಿರುಸಿನ ಪ್ರಚಾರದ ನಡುವೆ ಇಂದು ಎಂಆರ್​ಸಿಎಂ ಮೆಡಿಕಲ್ ಕಾಲೇಜಿನಲ್ಲಿ ಎಂಡಿ ಪರೀಕ್ಷೆ ಬರೆದರು. ಬೆಳಗ್ಗೆ 9 ಗಂಟೆಗೆ ಸರಿಯಾಗಿ ಪರೀಕ್ಷೆಗೆ ಹಾಜರಾಗಿದ್ದರು.

ಎಂಬಿಬಿಎಸ್​ ಮುಗಿಸಿರುವ ಅವಿನಾಶ್​ ಎಂಡಿ ಕಲಿಕೆಗಾಗಿ ಪರೀಕ್ಷೆ ಬರೆದಿದ್ದಾರೆ. ಚುನಾವಣೆ ಪ್ರಚಾರದ ಭರಾಟೆ ಮಧ್ಯೆ ತಮ್ಮ ವೃತ್ತಿ ಜೀವನದ ಬಗ್ಗೆ ಅವಿನಾಶ್ ಗಮನ ಹರಿಸಿದ್ದು ವಿಶೇಷವಾಗಿತ್ತು.