ಹಾವೇರಿ ಜಿಲ್ಲಾಸ್ಪತ್ರೆಯಲ್ಲಿ ವೃದ್ಧೆ ಸಾವು : ಕೊರೊನಾ ನಿಯಮಾವಳಿಯಲ್ಲಿ ಅಂತ್ಯಕ್ರಿಯೆ

ಹಾವೇರಿ ಜಿಲ್ಲೆಯ ಪುಟ್ಟಮ್ಮ ಗೋಪಾಳಿ ಎಂಬುವವರು ಸಾವನ್ನಪ್ಪಿದ್ದು, ಇವರ ಅಂತ್ಯ ಕ್ರಿಯೆಯನ್ನು ಕೋವಿಡ್19 ನಿಯಮಾನುಸಾರ ಮಾಡಲಾಗಿದೆ.

ಹಾವೇರಿ: ತಾಲೂಕಿನ‌ ಹೊಸರಿತ್ತಿ ಗ್ರಾಮದ ಪುಟ್ಟಮ್ಮ ಗೋಪಾಳಿ (68) ಜಿಲ್ಲಾಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದು, ಕೋವಿಡ್19 ನಿಯಮಾನುಸಾರ ಅಂತ್ಯಕ್ರಿಯೆ ಮಾಡಲಾಗಿದೆ.

ಅಂತ್ಯ ಸಂಸ್ಕಾರದ ವೇಳೆ ಪಿಪಿಇ ಕಿಟ್​ ಬಳಸಲಾಗಿದ್ದು, ಆರೋಗ್ಯ ಇಲಾಖೆ ಹಾಗೂ ತಹಶೀಲ್ದಾರರ ಸಮ್ಮುಖದಲ್ಲಿ ಅಂತ್ಯಸಂಸ್ಕಾರ ಮಾಡಾಲಾಗಿದೆ.

ಈ ವೃದ್ಧೆ ನಿನ್ನೆ ರಾತ್ರಿ ಮೃತಪಟ್ಟಿದ್ದು, ಇವರ ಸ್ವ್ಯಾಬ್ ಅನ್ನು ಲ್ಯಾಬ್​​ಗೆ ಕಳಿಸಿರುವ ಆರೋಗ್ಯ ಇಲಾಖೆ, ವರದಿಗಾಗಿ ಕಾಯುತ್ತಿದೆ.

ಅಂತ್ಯಕ್ರಿಯೆ ವೇಳೆ ಕುಟುಂಬಸ್ಥರು ಹಾಗೂ ಆರೋಗ್ಯ ಇಲಾಖೆ ಸೇರಿದಂತೆ ವಿವಿಧ ಇಲಾಖೆಗಳ ಅಧಿಕಾರಿಗಳು ಮತ್ತು ಸಿಬ್ಬಂದಿ ಭಾಗಿಯಾಗಿದ್ದರು.