ಹಾವೇರಿ: ತುಂಗಭದ್ರಾ ಮೇಲ್ದಂಡೆ ಕಾಲುವೆಯಲ್ಲಿ ಕಾಣಿಸಿಕೊಂಡ ಅಪರಿಚಿತ ಮಹಿಳೆಯ ಶವವನ್ನು ಸ್ವತಃ ಪಿಎಸ್ಐ ನೀರಿಗೆ ಜಿಗಿದು ಹೊರಗೆ ತೆಗೆದ ಘಟನೆ ಜಿಲ್ಲೆಯ ರಟ್ಟಿಹಳ್ಳಿ ತಾಲೂಕಿನ ಮಕರಿ ಗ್ರಾಮದಲ್ಲಿ ನಡೆದಿದೆ.
ಕಾಲುವೆಗಿಳಿದು ಮೃತ ದೇಹ ಹೊರ ತೆಗೆದ ರಟ್ಟಿಹಳ್ಳಿ ಪಿಎಸ್ಐ
ರಟ್ಟಿಹಳ್ಳಿ ಪಿಎಸ್ಐ ಕೃಷ್ಣಪ್ಪ ತೋಪಿನ್ ಕೆರೆಗೆ ಹಾರಿ ಮಹಿಳೆಯ ಶವ ಹೊರಗೆ ತೆಗೆದ ಪಿಎಸ್ಐ. ಕಾಲುವೆಯಲ್ಲಿ ಅತಿ ಹೆಚ್ಚು ನೀರು ಇದ್ದ ಕಾರಣ ಗ್ರಾಮಸ್ಥರು ನೀರಿಗೆ ಇಳಿಯಲು ಹಿಂದೇಟು ಹಾಕಿದರು. ಅಲ್ಲದೇ ಸ್ಥಳಕ್ಕೆ ಅಗ್ನಿಶಾಮಕ ದಳದ ಸಿಬ್ಬಂದಿ ಹೋಗಲು ಅಡಚಣೆ ಇತ್ತು.
ಈ ಹಿನ್ನೆಲೆಯಲ್ಲಿ ಪಿಎಸ್ಐ ಕೃಷ್ಣಪ್ಪನವರೇ ಸ್ವತಃ ನೀರಿಗೆ ಹಾರಿ ಅಪರಿಚಿತ ಮಹಿಳೆಯ ಶವವನ್ನು ಹೊರ ತಗೆದಿದ್ದಾರೆ. ಪಿಎಸ್ಐ ಗೆ ಗ್ರಾಮದ ಚಂದ್ರಪ್ಪ ಎಂಬ ವ್ಯಕ್ತಿ ಸಹಾಯ ಮಾಡಿದ್ದಾನೆ. ಕೃಷ್ಣಪ್ಪ ಅವರ ಕಾರ್ಯಕ್ಕೆ ಗ್ರಾಮಸ್ಥರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
