ಹಾವೇರಿಯಲ್ಲೊಂದು ತಾರಾಲಯ.. ಆಸ್ಟ್ರೋ ಫಾರ್ಮ್ ನಿರ್ಮಿಸಿದ ರೈತನ ಮಗ ನಿರಂಜನ್

ಅನ್ಯಗ್ರಹ, ಆಕಾಶಕಾಯ ಅಥವಾ ಧೂಮಕೇತುಗಳನ್ನು ನೋಡಬೇಕಾದರೆ ನಾವು ಬೆಂಗಳೂರು ನಗರಕ್ಕೆ ತೆರಳಬೇಕಾಗುತ್ತದೆ. ಈಗ ನಾವು ಬೆಂಗಳೂರಿಗೆ ತೆರಳಬೇಕಾಗಿಲ್ಲ. ಹಾವೇರಿಯಲ್ಲೇ ತಾರಾಲಯವಿದೆ. ಗ್ರಾಮೀಣ ಜನರು ತಮ್ಮ ಖಗೋಳ ಕೌತುಕವನ್ನು ಇಲ್ಲಿಗೆ ಭೇಟಿ ನೀಡುವ ಮೂಲಕ ಕಣ್ತುಂಬಿಕೊಳ್ಳಬಹುದಾಗಿದೆ.

ಹಾವೇರಿ: ಖಗೋಳ ವಿದ್ಯಮಾನಗಳು ಬಡವರ್ಗದ ಜನಸಾಮಾನ್ಯರಿಗೆ ಇಂದಿಗೂ ಕಬ್ಬಿಣದ ಕಡಲೆ. ಅದರಲ್ಲೂ ಉತ್ತರ ಕರ್ನಾಟಕದ ಜನರಿಗೆ ಈ ವಿದ್ಯಮಾನಗಳನ್ನ ತಿಳಿಸುವ ಸೂಕ್ತ ತಾರಾಲಯವಿಲ್ಲ. ಅಲ್ಲದೇ ಖಗೋಳ ವಿದ್ಯಾಮಾನ ವೀಕ್ಷಣೆಗೆ ಟೆಲಿಸ್ಕೋಪ್ ಸೇರಿದಂತೆ ವಿವಿಧ ಉಪಕರಣಗಳ ಕೈಗೆಟುಕುವ ಬೆಲೆಯಲ್ಲಿಲ್ಲ. ಮಿಲ್ಕಿವೇ, ಗ್ಯಾಲಕ್ಸಿ, ನಕ್ಷತ್ರ, ಕ್ಷುದ್ರಗೃಹ, ಧೂಮಕೇತು, ಸೌರವ್ಯೂಹ ಅಷ್ಟೇ ಯಾಕೆ ಎಷ್ಟೋ ಜನರು ಇನ್ನು ಭೂಮಿಯ ನೈಸರ್ಗಿಕ ಉಪಗೃಹ ಚಂದ್ರನ ಸರಿಯಾಗಿ ವೀಕ್ಷಣೆ ಮಾಡಿಲ್ಲ. ದೊಡ್ಡ ದೊಡ್ಡ ನಗರಗಳಲ್ಲಿ ನಿರ್ಮಿಸಲಾಗಿರುವ ತಾರಾಲಯಗಳಲ್ಲಿ ಶ್ರೀಮಂತರು, ನಗರವಾಸಿಗಳು ತಮ್ಮ ಖಗೋಳಕೌತುಕ ಕಳೆದುಕೊಳ್ಳುತ್ತಾರೆ.

ಅದೇ ಗ್ರಾಮೀಣ ಜನರು ಈ ವಿದ್ಯಮಾನಗಳನ್ನ ಕಣ್ತುಂಬಿಕೊಳ್ಳಲು ದೂರ ದೂರದ ಊರುಗಳಿಗೆ ಹೋಗಬೇಕಾಗಿದೆ. ಆದರೆ, ಈ ಕೊರತೆಯನ್ನ ನೀಗಿಸುತ್ತಿದೆ ಹಾವೇರಿ ಜಿಲ್ಲೆ ಶಿಗ್ಗಾಂವಿ ತಾಲೂಕಿನ ಕುನ್ನೂರು ಗ್ರಾಮದ ಬಳಿ ಸ್ಥಾಪಿತವಾಗಿರುವ ಅಸ್ಟ್ರೋ ಫಾರ್ಮ್​. ಹೌದು ಇಲ್ಲಿಯ ರೈತನ ಮಗ ನಿರಂಜನ ಖಾನಗೌಡ್ರ ಉತ್ತರ ಕರ್ನಾಟಕದವರಿಗಾಗಿ ಅಸ್ಟ್ರೋ ಫಾರ್ಮ್ ನಿರ್ಮಿಸಿದ್ದಾರೆ. ಸುಮಾರು 40 ಲಕ್ಷ ರೂಪಾಯಿ ವೆಚ್ಚದಲ್ಲಿ 64 ಎಕರೆ ಭೂಮಿಯಲ್ಲಿ ಅಸ್ಟ್ರೋ ಫಾರ್ಮ ಮೈದಳೆದಿದೆ. ಹಚ್ಚ ಹಸಿರಾದ ಗುಡ್ಡಗಾಡು ಅರಣ್ಯ ಪ್ರದೇಶ ನಿಸರ್ಗ ಸೌಂದರ್ಯದ ನಡುವೆ ಅಸ್ಟ್ರೋ ಫಾರ್ಮ್ ನಿರ್ಮಾಣಗೊಂಡಿದೆ. ಜೊತೆ ಜೊತೆಗೆ ನಕ್ಷತ್ರ ಖಗೋಳ ವಿದ್ಯಮಾನಗಳನ್ನು ನೋಡಲು ಹೇಳಿ ಮಾಡಿಸಿದಂತ ತಾಣ ಇದಾಗಿದೆ ಎನ್ನುತ್ತಾರೆ ನಿರಂಜನ ನಾಗನಗೌಡ್ರ.

ಬಾಲ್ಯದಿಂದಲೂ ಖಗೋಳದಲ್ಲಿ ಆಗುವ ವಿಸ್ಮಯವನ್ನು ನೋಡವುದರ ಬಗ್ಗೆ ನನಗೆ ತುಂಬಾನೆ ಕೌತಕವಿತ್ತು. ಹೀಗಾಗಿ ನಾನು ಎಂಎಸ್​ಸಿ ಪದವಿ ಆದ ಬಳಿಕ ಅಸ್ಟ್ರೋ ಟೂರಿಸಂ ಮಾಡಬೇಕೆಂಬ ಕಲ್ಪನೆ ಹುಟ್ಟಿಕೊಂಡಿತ್ತು. ಇದಕ್ಕಾಗಿ ನಾವು ಹಣ ಕ್ರೋಢೀಕರಣ ಮಾಡಿ ಅಸ್ಟ್ರೋ ಫಾರ್ಮ್​ ಅನ್ನು ನಿರ್ಮಿಸಿದ್ದೇವೆ ಎಂದು ಹೇಳ್ತಾರೆ ನಿರಂಜನ ನಾಗನಗೌಡ್ರ.