ಹಾವೇರಿ: ಬಸನಗೌಡ ದೇಸಾಯಿ ನಿಧನದಿಂದ ತೆರೆವಾಗಿದ್ದ ಹಾವೇರಿ ಜಿಪಂ ಅಧ್ಯಕ್ಷ ಸ್ಥಾನಕ್ಕೆ ಅ.22 ರಂದು ಚುನಾವಣೆ ನಡೆಯಲಿದ್ದು, ರಾಣೆಬೆನ್ನೂರು ತಾಲೂಕಿನ ಕಾಕೋಳ ಕ್ಷೇತ್ರದ ಜಿಪಂ ಸದಸ್ಯ ಏಕನಾಥ ಭಾನುವಳ್ಳಿ ಹೆಸರು ಮುಂಚೂಣಿಯಲ್ಲಿದೆ.
ಕಳೆದ ಬಾರಿ ಭಾನುವಳ್ಳಿ ಅಧ್ಯಕ್ಷ ಸ್ಥಾನದ ಆಕಾಂಕ್ಷಿಯಾಗಿದ್ದರು. ಆದರೆ, ಕಾಂಗ್ರೆಸ್ ಪಕ್ಷ ಹಿರಿಯ ಮುಖಂಡರಾದ ಬಸನಗೌಡ ದೇಸಾಯಿ ಅವರನ್ನು ಆಯ್ಕೆ ಮಾಡಿತ್ತು. ದೇಸಾಯಿ ಅವರು ನಿಧಾನರಾದ ಹಿನ್ನೆಲೆ ಮತ್ತೆ ಜಿಪಂ ಅಧ್ಯಕ್ಷರ ಚುನಾವಣೆ ನಡೆಯಲಿದ್ದು, ಈ ಬಾರಿ ರಾಣೆಬೆನ್ನೂರು ತಾಲೂಕಿಗೆ ಆದ್ಯತೆ ಸಿಗುತ್ತದೆ ಎಂಬ ಮಾತುಗಳು ಜೋರಾಗಿವೆ.
ಈ ಬಾರಿ ಅಧ್ಯಕ್ಷ ಸ್ಥಾನ ಸಾಮನ್ಯ ವರ್ಗಕ್ಕೆ ಮೀಸಲಾಗಿದೆ. ರೆಡ್ಡಿ ಎಂಬ ಸಣ್ಣ ಸಮಾಜದ ವ್ಯಕ್ತಿಯಾಗಿರುವ ನನ್ನನ್ನು ಈ ಬಾರಿ ಕಾಂಗ್ರೆಸ್ ಪಕ್ಷದ ಎಲ್ಲಾ ಮುಖಂಡರು ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡುತ್ತಾರೆ ಎಂಬ ನಂಬಿಕೆಯಿದೆ. ಪಕ್ಷದ ಸದಸ್ಯರು ಸಂಖ್ಯೆ ಹೆಚ್ಚಿರುವ ಕಾರಣ ಕಾಂಗ್ರೆಸ್ ಪಕ್ಷ ಅಧಿಕಾರ ಹಿಡಿಯಲಿದೆ ಎಂದು ಏಕನಾಥ್ ಭಾನುವಳ್ಳಿ ತಿಳಿಸಿದರು.
