ಹಾನಗಲ್: ವಿದ್ಯಾಭ್ಯಾಸ ಮುಂದುವರಿಸಬೇಕು ಎಂಬ ಬಯಕೆ ಇದೆ. ಮುಂದೆ ಶಿಕ್ಷನಾಗಿ ಸಮಾಜಕ್ಕೆ ಏನಾದರೂ ಕೊಡುಗೆ ನೀಡಬೇಕೆಂಬ ಮಹತ್ವಾಕಾಂಕ್ಷೆ ಇಟ್ಟುಕೊಂಡಿರುವ ವಿದ್ಯಾರ್ಥಿಗೆ ಬಡತನ ಅಡ್ಡಿಯಾಗಿದೆ.
ಹಾವೇರಿ ಜಿಲ್ಲೆ ಹಾನಗಲ್ ತಾಲೂಕಿನ ವರ್ದಿ ಗ್ರಾಮದ ಚೇತನ್ ಕಮ್ಮಾರ ಎಂಬ ಬಾಲಕ ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ 509 ಅಂಕಗಳ ಪಡೆದು ಉನ್ನತ ಶ್ರೇಣಿಯಲ್ಲಿ ಉತ್ತೀರ್ಣನಾಗಿದ್ದಾನೆ. ಮುಂದೆ ವಿಜ್ಞಾನ ವಿಭಾಗದಲ್ಲಿ ಶಿಕ್ಷಣ ಪಡೆಯಬೇಕೆಂಬ ಹಂಬಲದಲ್ಲಿದ್ದಾನೆ.
ಈವರೆಗೆ ಅಪ್ಪ-ಅಮ್ಮನಿಲ್ಲದೆ ಅನಾಥವಾಗಿರುವ ಈ ಬಾಲಕನಿಗೆ ಆತನ ಚಿಕ್ಕಪ್ಪ ಕೂಲಿ ಕೆಲಸ ಮಾಡಿಕೊಂಡು ಶಿಕ್ಷಣ ಕೊಡಿಸಿದರು. ಆದರೆ ಉನ್ನತ ಶಿಕ್ಷಣ ನೀಡಲು ಅವರ ಬಳಿ ಹಣವಿಲ್ಲ. ಈ ಹಿನ್ನೆಲೆಯಲ್ಲಿ ಆತನ ವಿದ್ಯಾಭ್ಯಾಸಕ್ಕೆ ಆರ್ಥಿಕ ಸಂಕಷ್ಟ ಕಾಡುತ್ತಿದೆ.
ಅನಾಥನಾಗಿ ಹುಟ್ಟಿದ ನನಗೆ ಏನಾದರು ಸಾಧಿಸುವ ಛಲವಿದೆ. ನನ್ನ ಈ ವಿದ್ಯಾಭ್ಯಾಸದ ಕನಸು ಈಡೇರಲು ಸಹಾಯ ಮಾಡಿ ಎಂದು ಈ ಬಾಲಕ ಅಂಗಲಾಚುತ್ತಿದ್ದಾನೆ. ಈ ವಿದ್ಯಾರ್ಥಿಯ ಶಿಕ್ಷಣಕ್ಕೆ ಸಹಾಯ ಮಾಡಲು ಇಚ್ಛಿಸುವ ಸಹೃದಯಿಗಳು ಈ ಕೆಳಗಿನ ಬ್ಯಾಂಕ್ ಖಾತೆಗೆ ಹಣ ಜಮಾಯಿಸಬಹುದು.
ಸಂಪರ್ಕಸಂಖ್ಯೆ: 7619596120, 9986119486
AC/No: 89080192638
IFSC No:kvgb0007106
