ರಾಣೆಬೆನ್ನೂರು: ತಾಲೂಕಿನ ತಿರಮಲದೇವರಕೊಪ್ಪ ಗ್ರಾಮದಲ್ಲಿ ಕಳೆದ ರಾತ್ರಿ ದನದ ಕೊಟ್ಟಿಗೆ ಕುಸಿದು ಬಿದ್ದಿದ್ದರಿಂದ ಒಂದು ಎಮ್ಮೆ ಮತ್ತು ಎತ್ತು ಮೃತಪಟ್ಟಿವೆ.
ಗ್ರಾಮದ ಚಂದ್ರಪ್ಪ ಎಂಬುವವರಿಗೆ ಸೇರಿದ ದನದ ಕೊಟ್ಟಿಗೆ ಬೆಳಗಿನ ಸಮಯದಲ್ಲಿ ಕುಸಿದು ಬಿದ್ದಿದೆ. ರಾತ್ರಿ ಸಮಯದಲ್ಲಿ ಕೊಟ್ಟಿಗೆ ಒಳಗೆ ಎಮ್ಮೆ ಮತ್ತು ಎತ್ತುಗಳನ್ನು ಕಟ್ಟಲಾಗಿತ್ತು. ಬೆಳಗಿನ ಸಮಯದಲ್ಲಿ ಅವಘಡ ಸಂಭವಿಸಿದ್ದರಿಂದ ಒಳಗಡೆ ಇದ್ದ ಒಂದು ಎಮ್ಮೆ ಮತ್ತು ಎತ್ತು ಸ್ಥಳದಲ್ಲಿ ಸಾವಿಗೀಡಾಗಿವೆ. ಇದರಿಂದ ಸುಮಾರು ಒಂದೂವರೆ ಲಕ್ಷ ನಷ್ಟವಾಗಿದೆ. ಅಲ್ಲದೇ, ಸುಮಾರು ನಾಲ್ಕು ಎಮ್ಮೆಗಳು ಗಾಯಗೊಂಡಿವೆ ಎನ್ನಲಾಗಿದೆ.
ರೈತ ಮುಖಂಡ ರವಿಂದ್ರಗೌಡ ಪಾಟೀಲ ಮಾತನಾಡಿದರು
ಜೀವನಕ್ಕೆ ಆಸರೆಯಾಗಿದ್ದ ಎತ್ತು ಹಾಗೂ ಎಮ್ಮೆ ಕಳೆದುಕೊಂಡಿರುವ ಬಡ ಕುಟುಂಬಕ್ಕೆ ದಿಕ್ಕು ತೋಚದಂತಾಗಿದೆ. ಕೂಡಲೇ ಸಂಬಂಧಪಟ್ಟ ಅಧಿಕಾರಿಗಳು ಈ ಕುಟುಂಬಕ್ಕೆ ಸಹಾಯ ಹಸ್ತ ನೀಡಬೇಕು ಎಂದು ರೈತ ಮುಖಂಡ ರವಿಂದ್ರಗೌಡ ಪಾಟೀಲ ಒತ್ತಾಯಿಸಿದ್ದಾರೆ.
