ಹಾಸನ: ಕೊರೊನಾ ಸಂಬಂಧಿ ಪರಿಹಾರಾತ್ಮಕ ಕಾರ್ಯಗಳಿಗಾಗಿ ಸಿಎಂ ಪರಿಹಾರ ನಿಧಿಗೆ ಹಾಸನದ ವೈದ್ಯ ಟಿ.ಆರ್. ನಾಗರಾಜು ಮತ್ತು ಪುತ್ರ ಡಾ. ಶ್ರೀರಂಗ ಜಿಲ್ಲಾಧಿಕಾರಿ ಮೂಲಕ 1 ಲಕ್ಷ ರೂಪಾಯಿಯ ಚೆಕ್‌ ನೀಡಿದರು.
ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ಧನಸಹಾಯ
ಕೊರೊನಾದಿಂದ ದೇಶವೇ ತತ್ತರಿಸಿ ಹೋಗಿದೆ. ಈ ನಿಟ್ಟಿನಲ್ಲಿ ಕರ್ನಾಟಕದ ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ಸ್ವಂತ ಗಳಿಕೆಯ ಈ ಹಣವನ್ನು ದಾನ ಮಾಡಿದ್ದೇನೆ ಎಂದು ಟಿ.ಆರ್.ನಾಗರಾಜು ತಿಳಿಸಿದರು.
ನನಗೀಗ 85 ವರ್ಷ ವಯಸ್ಸು. ಬೆಂಗಳೂರು ಮೆಡಿಕಲ್ ಕಾಲೇಜಿನಲ್ಲಿ 40 ವರ್ಷ ಸೇವೆ ಸಲ್ಲಿಸಿದ್ದೇನೆ. ಶಸ್ತ್ರ ಚಿಕಿತ್ಸಾ ವಿಭಾಗದಲ್ಲಿ ಮುಖ್ಯಸ್ಥನಾಗಿ ಹಾಗೂ 4 ಖಾಸಗಿ ಮೆಡಿಕಲ್ ಕಾಲೇಜಿನಲ್ಲೂ ಕೂಡ ಕೆಲಸ ಮಾಡಿ ಇದೀಗ ನಿವೃತ್ತಿಗೊಂಡಿದ್ದೇನೆ ಎಂದರು.
