ಈಶ್ವರಪ್ಪ ಮಹಾ ಪೆದ್ದ, ನಾಲಿಗೆಗೂ ಬ್ರೈನ್​​​ಗೂ ಲಿಂಕ್​ ತಪ್ಪೋಗಿದೆ: ಸಿದ್ದರಾಮಯ್ಯ

ಈಶ್ವರಪ್ಪ ಮಹಾ ಪೆದ್ದ, ನಾನು ಅನೇಕ ಸಾರಿ ಹೇಳಿದ್ದೇನೆ ಆತನಿಗೆ ನಾಲಿಗೆಗೂ ಬ್ರೈನ್​ಗು ಲಿಂಕ್ ತಪ್ಪೋಗಿದೆ - ಸರ್ಕಾದ ದುರಾಡಳಿತ, ಸರ್ಕಾರದ ಭ್ರಷ್ಟಚಾರದ ಬಗ್ಗೆ ನನ್ನಲ್ಲದೇ ಯಾರು ಕೇಳೋದು - ಈಶ್ವರಪ್ಪ ಹೇಳಿಕೆಗೆ ತಿರುಗೇಟು ನೀಡಿದ ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ.

ಹಾಸನ: ಈಶ್ವರಪ್ಪ ಮಹಾ ಪೆದ್ದ. ನಾನು ಅನೇಕ ಸಾರಿ ಹೇಳಿದ್ದೇನೆ ಆತನಿಗೆ ನಾಲಿಗೆಗೂ ಬ್ರೈನ್​ಗು ಲಿಂಕ್ ತಪ್ಪೋಗಿದೆ ಏನೇನೋ ಮಾತನಾಡುತ್ತಾನೆ ಎಂದು ಈಶ್ವರಪ್ಪ ವಿರುದ್ದ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹರಿಹಾಯ್ದರು. ಹಾಸನದ ಅರಕಲಗೂಡಿನಲ್ಲಿ ಕನಕದಾಸ ಹಾಗೂ ಸಂಗೊಳ್ಳಿ ರಾಯಣ್ಣನ ಪ್ರತಿಮೆ ಅನಾವರಣ ಮಾಡಿದ ಬಳಿಕ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಪ್ರಧಾನಿ ಬಗ್ಗೆ ಮಾತನಾಡಲು ಯೋಗ್ಯತೆ ಇಲ್ಲ ಎನ್ನುವುದಾದರೆ ಯೋಗ್ಯತೆ ಎಂದರೇನು? ಕ್ವಾಲಿಫಿಕೇಷನ್ ಅಂದರೇನು? ಎಂದು ಪ್ರಶ್ನಿಸಿದರು.

ನಾನು ಕರ್ನಾಟಕದ ವಿರೋಧ ಪಕ್ಷದ ನಾಯಕ, ಕಾಂಗ್ರೆಸ್ ಪಕ್ಷದ ಸದಸ್ಯ, ನಾನು ಶಾಸಕಾಂಗದಲ್ಲಿದ್ದೇನೆ, ನನಗೆ ಯೋಗ್ಯತೆ ಇಲ್ಲ ಅಂದರೆ ಯಾರಿಗೇ ಯೋಗ್ಯತೆ ಇರುತ್ತದೆ ಎಂದು ಪ್ರಶ್ನಿಸಿದರು. ಸರ್ಕಾರದ ಬಗ್ಗೆ ತಪ್ಪುಗಳನ್ನ ಹೇಳುವುದಕ್ಕೆ ನನ್ನಗೆ ಯೋಗ್ಯತೆ ಇಲ್ಲದ ಮೇಲೆ ಬೇರಿ ಯಾರಿಗೂ ಹೇಳಲು ಸಾಧ್ಯವಿಲ್ಲ, ನಾನು ಸರಿಯಾದ ವ್ಯಕ್ತಿ. ಸರ್ಕಾದ ದುರಾಡಳಿತ, ಸರ್ಕಾರದ ಭ್ರಷ್ಟಚಾರದ ಬಗ್ಗೆ ನನ್ನಲ್ಲದೇ ಯಾರು ಕೇಳೋದು ಎಂದು ಈಶ್ವರಪ್ಪ ಹೇಳಿಕೆ ಟಾಂಗ್​ ಕೊಟ್ಟರು.

ಪ್ರತಿಯೊಬ್ಬರಿಗೂ ರಾಜಕೀಯ ಪ್ರಬುದ್ಧತೆ ಇರಬೇಕು: ಏನು ಈಶ್ವಪ್ಪ ಹೇಳುತ್ತಾರೆ. ಹಿಂದೆ ಈಶ್ವರಪ್ಪ ಅವರ ಇಲಾಖೆಯಲ್ಲಿ ಶೇ 40ರಷ್ಟು ಕಮಿಷನ್ ಕೇಳಿದರು ಎಂದು ಸಂತೋಷ್​ ಪಾಟಿಲ್​ ಆತ್ಮಹತ್ಯೆ ಮಾಡಿಕೊಂಡಿದ್ದರು, ಅವರಿಗೆ ಅರ್ಹತೆ ಇದೆಯಾ ಎಂದು ಪ್ರಶ್ನಿಸಿದರು. ಪ್ರತಿಯೊಬ್ಬರಿಗೂ ರಾಜಕೀಯ ಪ್ರಬುದ್ದತೆ ಇರಬೇಕು, ಯಾರು ಕೇಂದ್ರ ಮತ್ತು ರಾಜ್ಯ ಸರ್ಕಾರವನ್ನು ಟೀಕಿಸುವವರು, ಯಾಕೆ ಮಾಡಬೇಕು, ತಪ್ಪುಗಳನ್ನು ಹೇಳುವವರು ಯಾರು. ನಾನು ವಿಪಕ್ಷ ನಾಯಕ, ನನ್ನಲ್ಲದೇ ಬೇರೆ ಯಾರಾದರು ಕೇಳುವುದಕ್ಕಾಗುತ್ತದೆಯೇ ಎಂದರು.

ಇದನ್ನೂ ಓದಿ:ಮೋದಿ, ಅಮಿತ್ ಶಾ ಕರ್ನಾಟಕಕ್ಕೆ ನೂರು ಬಾರಿ ಬಂದರೂ ಬಿಜೆಪಿ ಅಧಿಕಾರಕ್ಕೆ ಬರಲ್ಲ: ಕುಮಾರಸ್ವಾಮಿ ಭವಿಷ್ಯ

ನನ್ನ ಅಭಿಪ್ರಾಯ ಒಂದೇ ಕಡೆ ನಿಂತುಕೊಳ್ಳುವುದು:ಇನ್ನು ಎರಡು ಕಡೆ ನಿಲ್ಲಬೇಕೆಂದು ದೇವರು ಹೇಳಿದ ವಿಚಾರಕ್ಕೆ ಸಂಬಂಧಪಟ್ಟಂತೆ ಮಾತನಾಡಿದ ಸಿದ್ದರಾಮಯ್ಯ ಅದು ಯತೀಂದ್ರ ಸಿದ್ದರಾಮಯ್ಯನವರ ಅಭಿಪ್ರಾಯ ನನ್ನ ಅಭಿಪ್ರಾಯ ಅಲ್ಲ. ನನ್ನ ಅಭಿಪ್ರಾಯ ಒಂದೇ ಕಡೆ ನಿಂತುಕೊಳ್ಳುವುದು. ಪಾಪ ಅವರು ತಂದೆ ಮೇಲಿನ ಪ್ರೀತಿಯಿಂದ ಕರೆಯುತ್ತಿದ್ದಾರೆ ಎಂದು ಸ್ಪಷ್ಟನೆ ನೀಡಿದರು.

ಕುಮಾರಸ್ವಾಮಿ ಮಾತುಗಳಿಗೆ ನನ್ನ ಪ್ರತಿಕ್ರಿಯೆ ಇಲ್ಲ: ಇನ್ನು ಕುಮಾರಸ್ವಾಮಿ ಹೇಳಿಕೆಗೆ ಕುರಿತು ಪ್ರತಿಕ್ರಿಯಿಸಿದ ಸಿದ್ದರಾಮಯ್ಯ ಅವರು ನಮ್ಮ ಪಕ್ಷದವರಾ?, ಕುಮಾರಸ್ವಾಮಿ ಮಾತುಗಳಿಗೆ ನನ್ನ ಪ್ರತಿಕ್ರಿಯೆ ಇಲ್ಲ, ನನ್ನನ್ನ ಯಾರೂ ಹರಕೆ ಕುರಿ ಮಾಡಲು ಸಾಧ್ಯವಿಲ್ಲ. ಜನ ತೀರ್ಮಾನ ಮಾಡುವುದು, ಮತದಾರರು ಯಾರ ಜೇಬಿನಲ್ಲೂ ಇಲ್ಲ, ಕುಮಾರಸ್ವಾಮಿ ಜೇಬಿನಲ್ಲೂ ಇಲ್ಲ, ಇನ್ನೂಬ್ಬರ ಬೇಬಿನಲ್ಲೂ ಇಲ್ಲ, ಜನ ಅವರ ಪ್ರತಿನಿಧಿ ಯಾರು ಆಗಬೇಕು ಎಂದು ಆಯ್ಕೆಮಾಡಿಕೊಳ್ಳುವುದು ಅವರಿಗೆ ಸೇರಿದ್ದು. ಅವರು ತೀರ್ಮಾನ ಮಾಡುತ್ತಾರೆ. ವಿರೋಧಪಕ್ಷದವರು ಹೇಳುವುದಕ್ಕೆಲ್ಲಾ ಉತ್ತರ ಕೊಡುವುದ್ದಕ್ಕಾಗಲ್ಲ ಎಂದರು.

ಇದನ್ನೂ ಓದಿ:2024ರ ಚುನಾವಣೆಯಲ್ಲಿ ಬೆಂಗಳೂರಿನಿಂದ ಸುಮಲತಾ ಅಂಬರೀಶ್ ಸ್ಪರ್ಧೆ: ನಿಖಿಲ್ ಕುಮಾರಸ್ವಾಮಿ