ಹಾಸನ:ಕೊರೊನಾ ಸಂಹಾರಕ್ಕೆ ವ್ಯಾಕ್ಸಿನ್ ಪಡೆದ ಡಿ ಗ್ರೂಪ್ ನೌಕರ

ಆರೋಗ್ಯ ಇಲಾಖೆಯ ವಿವಿಧ ವರ್ಗಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಕೊರೊನಾ ಯೋಧರಿಗೆ ಇಂದು ಹಾಸನ ಜಿಲ್ಲೆಯಲ್ಲಿ ಕೊರೊನಾ ಚುಚ್ಚುಮದ್ದು ಕೋವಿಶೀಲ್ಡ್​ ನೀಡಲಾಗ್ತಿದೆ.

ಹಾಸನ: ಹಾಸನದ ಏಮ್ಸ್ ಆಸ್ಪತ್ರೆಯಲ್ಲಿ ಇಂದು ಕೊರೊನಾಗೆ ಲಸಿಕೆ ನೀಡುವ ಪ್ರಕ್ರಿಯೆಗೆ ಚಾಲನೆ ನೀಡಲಾಯಿತು.

ಲಾಕ್​ಡೌನ್​ ಸಂದರ್ಭದಲ್ಲಿ ಫ್ರಂಟ್​ ವಾರಿಯರ್ಸ್​ಗೆ ಇಂದಿನಿಂದ ಲಸಿಕೆ ನೀಡುವ ಕಾರ್ಯಕ್ರಮಕ್ಕೆ ಜಿಲ್ಲಾ ಆರೋಗ್ಯಧಿಕಾರಿ ಡಾ. ಸತೀಶ್ ಮತ್ತು ಹಿಮ್ಸ್ ಆಸ್ಪತ್ರೆಯ ನಿರ್ದೇಶಕ ರವಿಕುಮಾರ್ ಚಾಲನೆ ನೀಡಿದರು.

ಹಾಸನದಲ್ಲಿ ಇಂದು 10 ಕೇಂದ್ರಗಳಿಗೆ ಕೋವಿಶೀಲ್ಡ್​ ಲಸಿಕೆ ರವಾನೆಯಾಗಿದೆ. ಆದರೆ , ಐದು ಕಡೆ ತಾಂತ್ರಿಕ ದೋಷದಿಂದ ಇನ್ನೂ ಆರಂಭವಾಗಿಲ್ಲ. ಇನ್ನು ವ್ಯಾಕ್ಸಿನೇಷನ್​ ಆರಂಭವಾಗಿರುವ ಪ್ರತೀ ಕೇಂದ್ರದಲ್ಲಿ 100 ಮಂದಿಗೆ ಲಸಿಕೆ ವಿತರಣೆ ಮಾಡಲಾಗುತ್ತದೆ.

ಇನ್ನು ಹಿಮ್ಸ್​ನ ಡಿ ಗ್ರೂಪ್ ನೌಕರ ಯಶ್ವಂತ್​ಗೆ ಮೊದಲ ಕೋವ್ಯಾಕ್ಸಿನ್ ನೀಡಿದ್ರೆ, ಡಾ. ಶ್ರೀರಂಗ ಮೊದಲ ಲಸಿಕೆ ಹಾಕಿಸಿಕೊಂಡ ವೈದ್ಯರಾಗಿದ್ದಾರೆ. ಡಿ - ಗ್ರೂಪ್ ನೌಕರರಿಗೆ ಮತ್ತು ವೈದ್ಯರಿಗೆ ಚುಚ್ಚುಮದ್ದು ನೀಡಿದ ಬಳಿಕ ಮೆಡಿಕಲ್ ವಿದ್ಯಾರ್ಥಿಗಳಿಗೂ ಉಳಿದ ವೈದ್ಯರಿಗೂ ಕೋವ್ಯಾಕ್ಸಿನೇಷನ್​ ಆರಂಭವಾಗಿದೆ.

ಇನ್ನು ಹಾಸನ ಜಿಲ್ಲಾಧಿಕಾರಿ ಆರ್. ಗಿರೀಶ್ ಇಂದು ಅರಕಲಗೂಡು ಸೇರಿದಂತೆ ಜಿಲ್ಲೆಯ ನಾನಾ ತಾಲೂಕುಗಳಿಗೆ ಭೇಟಿ ಕೊಟ್ಟು ಲಸಿಕಾ ಕೇಂದ್ರವನ್ನು ವೀಕ್ಷಣೆ ಮಾಡಿದ್ದಾರೆ.

ಇದನ್ನೂ ಓದಿ:ಪುರಾವೆ ಇಲ್ಲದೆ ಅಪಪ್ರಚಾರಕ್ಕೆ ಕಿವಿಗೊಡಬೇಡಿ: ಡಾ. ಸುದರ್ಶನ್ ಮನವಿ