ಮತಹಾಕಿ ಸಾಮಾಜಿಕ ಜಾಲತಾಣದಲ್ಲಿ ಬಹಿರಂಗಪಡಿಸಿದ ಯುವಕ : ದೂರು ದಾಖಲು

ಮತದಾರ ತಾನು ಮತ ನೀಡಿರುವ ವಿಷಯವನ್ನು ಗೌಪ್ಯವಾಗಿಡುವ ವಿಷಯ ಉಲ್ಲಂಘನೆ ಮಾಡುವುದು ಕಾನೂನಿಗೆ ವಿರುದ್ಧ. ಮತದಾನದ ಬಳಿಕ ಯಾರಿಗೆ ಮತ ಹಾಕಿದ್ದೇನೆ ಎಂಬುದನ್ನ ಯಾರಿಗೂ ಹೇಳಬಾರದು ಮತ್ತು ಅದನ್ನು ಬಹಿರಂಗಪಡಿಸಬಾರದು ಎಂಬ ನಿಯಮವಿದ್ದರೂ ಇಂತಹ ಕೃತ್ಯ ಎಸಗಿದ್ದಾನೆ..

ಹಾಸನ/ಹೊಳೆನರಸೀಪುರ: ತಾನು ಮತ ಹಾಕಿದ ಬ್ಯಾಲೆಟ್ ಪೇಪರ್​​ನ ಫೋಟೋ ತೆಗೆದು ಮತದಾರನೊಬ್ಬ ಸಾಮಾಜಿಕ ಜಾಲತಾಣಗಳಿಗೆ ಹಾಕಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಈ ಸಂಬಂಧ ಚುನಾವಣಾ ಆಯೋಗ ಮತ್ತು ತಹಶೀಲ್ದಾರ್​ಗೆ ದೂರು ನೀಡಲಾಗಿದೆ ಎಂದು ವರದಿಯಾಗಿದೆ.

ಮತದಾರನ ವಿರುದ್ಧ ದೂರು

ಹಾಸನ ಜಿಲ್ಲೆಯ ಹೊಳೆನರಸಿಪುರ ತಾಲೂಕಿನ ಹಳ್ಳಿ ಮೈಸೂರು ಸಮೀಪದ ನಿಡುವಣಿ ಗ್ರಾಮ ಪಂಚಾಯತ್‌ಗೆ ಸೇರಿದ ಗಾನಹಳ್ಳಿ ಮೋಟನಾಯಕಹಳ್ಳಿ ನಿವಾಸಿ ಭರತ್ ರಾಜ್, ಮೋಟನಾಯಕನಹಳ್ಳಿ ಗ್ರಾಮದ ಮತಪತ್ರ ಸಂಖ್ಯೆ 281ರಲ್ಲಿ ಮತ ಹಾಕುವ ವೇಳೆ ಮೊಬೈಲ್​ನಲ್ಲಿ ಅದನ್ನು ಫೋಟೋ ತೆಗೆದುಕೊಂಡು ಬಂದು ಸಾಮಾಜಿಕ ಜಾಲತಾಣಗಳಿಗೆ ಹರಿಬಿಟ್ಟು ಸಮಸ್ಯೆಯನ್ನು ಮೈಮೇಲೆ ಎಳೆದುಕೊಂಡಿದ್ದಾನೆ.

ಮತಹಾಕಿ ಸಾಮಾಜಿಕ ಜಾಲತಾಣದಲ್ಲಿ ಬಹಿರಂಗಪಡಿಸಿದ ಯುವಕ

ಮತದಾರ ತಾನು ಮತ ನೀಡಿರುವ ವಿಷಯವನ್ನು ಗೌಪ್ಯವಾಗಿಡುವ ವಿಷಯ ಉಲ್ಲಂಘನೆ ಮಾಡುವುದು ಕಾನೂನಿಗೆ ವಿರುದ್ಧ. ಮತದಾನದ ಬಳಿಕ ಯಾರಿಗೆ ಮತ ಹಾಕಿದ್ದೇನೆ ಎಂಬುದನ್ನ ಯಾರಿಗೂ ಹೇಳಬಾರದು ಮತ್ತು ಅದನ್ನು ಬಹಿರಂಗಪಡಿಸಬಾರದು ಎಂಬ ನಿಯಮವಿದ್ದರೂ ಇಂತಹ ಕೃತ್ಯ ಎಸಗಿದ್ದಾನೆ. ಹೀಗಾಗಿ ಇದು ಇತರರಿಗೂ ಮುಜುಗರ ತಂದೊಡ್ಡುತ್ತದೆ ಮತ್ತು ಗ್ರಾಮದಲ್ಲಿ ಮತದಾರ ಮತ್ತು ಪ್ರತಿಸ್ಪರ್ಧಿ ಅಭ್ಯರ್ಥಿಯ ನಡುವೆ ವೈಮನಸ್ಸು, ದ್ವೇಷ ಹೆಚ್ಚಾಗಲು ಕಾರಣವಾಗುತ್ತದೆ.

ಈತನ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಜರಗಿಸಬೇಕೆಂದು ಅದೇ ಗ್ರಾಮದ ಶಿವರುದ್ರಪ್ಪ ಎಂಬುವರು ಚುನಾವಣಾ ಆಯೋಗಕ್ಕೆ ದೂರು ನೀಡಿದ್ದು, ಈತನ ವಿರುದ್ಧ ಶಿಸ್ತು ಕ್ರಮ ಜರುಗಿಸಬೇಕೆಂದು ದೂರಿನಲ್ಲಿ ಒತ್ತಾಯ ಮಾಡಿದ್ದಾರೆ.

ಎಂಸಿ ಗೌರಮ್ಮ ಮತ್ತು ಸುಜಾತ ಎಂಬುವರು ಚುನಾವಣೆಗೆ ಸ್ಪರ್ಧಿಸಿದ್ದು, ಸುಜಾತ ಎಂಬುವರಿಗೆ ವೋಟ್​ ಮಾಡಿದ ಭರತ್​ ರಾಜ್​ ನಂತರ ಸಾಮಾಜಿಕ ಜಾಲತಾಣದಲ್ಲಿ ಮತ ಹಾಕಿದ ಬ್ಯಾಲೆಟ್​ ಪತ್ರದ ಫೋಟೋವನ್ನು ಹರಿಬಿಟ್ಟಿದ್ದ.

ಇದನ್ನೂ ಓದಿ:ದೇಶದಲ್ಲಿ 'ಕೋವಿಶೀಲ್ಡ್​' ಲಸಿಕೆಯ ತುರ್ತು ಬಳಕೆಗೆ ಗ್ರೀನ್‌ ಸಿಗ್ನಲ್‌!