ಆಲೂರಿನ ಹುಣಸವಳ್ಳಿ ಗ್ರಾ.ಪಂಚಾಯಿತಿ: ಒಂದೇ ಸ್ಥಾನಕ್ಕೆ ಸಹೋದರರ ಸವಾಲ್‌

ಆಲೂರು ತಾಲೂಕಿನ ಹುಣಸವಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಮಾವನೂರು ಕ್ಷೇತ್ರಕ್ಕೆ ಸಹೋದರರಿಬ್ಬರು ಒಂದೇ ಸ್ಥಾನಕ್ಕೆ ಸ್ಪರ್ಧಿಸಿರುವುದು ಕುತೂಹಲ ಕೆರಳಿಸಿದೆ.

ಹಾಸನ: ಗ್ರಾಮ ಪಂಚಾಯಿತಿಯ ಒಂದೇ ಸ್ಥಾನಕ್ಕೆ ಸಹೋದರರಿಬ್ಬರು ಸ್ಪರ್ಧಿಸಿದ್ದಾರೆ.

ಮಾವನೂರು ಗ್ರಾಮದ ಮೋಹನ್ (ಅಣ್ಣ) ಮತ್ತು ಗಂಗಾಧರ (ತಮ್ಮ) ಪಂಚಾಯಿತಿ ಚುನಾವಣೆಗೆ ಸ್ಪರ್ಧಿಸಿರುವ ಸಹೋದರರು.

ಒಂದೇ ಸ್ಥಾನಕ್ಕೆ ಸಹೋದರರ ಸ್ಫರ್ಧೆ

'ಚುನಾವಣೆ ಬಂದಾಗ ನಮ್ಮ ಆಶಯಗಳು ಬೇರೆ ಬೇರೆ. ನನ್ನ ಕೆಲಸ ನೋಡಿ ಕೆಲವರು ನನಗೆ ಮತ ಹಾಕುತ್ತಾರೆ, ನನ್ನ ಸಹೋದರನ ಕೆಲಸ ಕಾರ್ಯಗಳನ್ನು ನೋಡಿ ಅವನಿಗೆ ಮತ ಹಾಕುತ್ತಾರೆ. ನಾವು ಒಟ್ಟಿಗೆ ಇರಬಹುದು, ಆದರೆ ಚುನಾವಣೆ ಬಂದಾಗ ಬೇರೆ ಬೇರೆ' ಎನ್ನುತ್ತಾರೆ ಈ ಸಹೋದರರು.

ಹುಣಸವಳ್ಳಿ ಗ್ರಾಮ ಪಂಚಾಯತಿಯ ಮಾವನೂರು ಕ್ಷೇತ್ರದಲ್ಲಿ 210 ಮತಗಳಿದ್ದು, ಸಾಮಾನ್ಯ ಮತ್ತು ಪರಿಶಿಷ್ಟ ಜಾತಿ ಮಹಿಳೆಯ ಸ್ಥಾನಕ್ಕೆ ಚುನಾವಣೆ ನಡೆಯುತ್ತಿದೆ.