ಗದಗ: ನರಗುಂದ ತಾಲೂಕಿನ ಸಿದ್ಧಾಪುರ ಗ್ರಾಮದ ಅಂಗನವಾಡಿ ಶಿಕ್ಷಕಿಗೆ ಕೊರೊನಾ ದೃಢಪಟ್ಟ ಹಿನ್ನೆಲೆ, ಅವರಿಂದ ರೇಷನ್ ಪಡೆದಿರುವ ಗರ್ಭಿಣಿ ಮತ್ತು ಬಾಣಂತಿಯರಿಗೆ ಆತಂಕ ಶುರುವಾಗಿದೆ.
ನರಗುಂದದ ಗಾಡಿ ಓಣಿಯ ನಿವಾಸಿಯಿಂದ (ರೋಗಿ ಸಂಖ್ಯೆ-18,277) ಸೋಂಕು ಹರಡಿದೆ ಎನ್ನಲಾಗ್ತಿದೆ. ಕಂಡಕ್ಟರ್ ಆಗಿ ಕಾರ್ಯನಿರ್ವಹಿಸುತ್ತಿರುವ ಸಹೋದರನಿಗೆ (ರೋಗಿ ಸಂಖ್ಯೆ-15,320) ಜುಲೈ 3ರಂದು ಸೋಂಕು ಶಿಕ್ಷಕಿಗೂ ತಗುಲಿದೆ.
ನರಗುಂದ ಪಟ್ಟಣ
ಈ ಶಿಕ್ಷಕಿಯ ಪ್ರಾಥಮಿಕ ಸಂಪರ್ಕದಲ್ಲಿದ್ದ 52 ಜನರನ್ನು ನರಗುಂದದ ಖಾಸಗಿ ಶಾಲೆಯಲ್ಲಿ ಕ್ವಾರಂಟೈನ್ ಮಾಡಲಾಗಿದೆ. ಇಬ್ಬರು ಗರ್ಭಿಣಿಯರು ಮತ್ತು ಇಬ್ಬರು ಬಾಣಂತಿಯರನ್ನು ಹೋಮ್ ಕ್ವಾರಂಟೈನ್ ಮಾಡಲಾಗಿದೆ. ಸಿದ್ಧಾಪುರ ಗ್ರಾಮಕ್ಕೆ ತಹಶೀಲ್ದಾರ್ ಮಹೇಂದ್ರ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
