ಗದಗದಲ್ಲಿ ಲಾಕ್​ಡೌನ್ ಓಪನ್ ಆದ್ರೂ ಮನೆಯಿಂದ ಹೊರ ಬರದ ಜನತೆ

ಲಾಕ್​ಡೌನ್ ನಿರ್ಬಂಧ ಸಡಿಲಗೊಂಡರೂ ಸಹ ಗದಗದಲ್ಲಿ ಜನತೆ ಮನೆಯಿಂದ ಹೊರ ಬರಲು ಹಿಂದೇಟು ಹಾಕುತ್ತಿದ್ದಾರೆ.

ಗದಗ: ಸರ್ಕಾರ ಸಂಡೇ ಲಾಕ್​ಡೌನ್ ತೆರವು ಮಾಡಿದೆ. ಆದರೆ ನಗರದಲ್ಲಿ ಜನರು ಮನೆಯಿಂದ ಹೊರ ಬರುತ್ತಿಲ್ಲ. ಹೀಗಾಗಿ ರಸ್ತೆಗಳು ಬಿಕೋ ಎನ್ನುತ್ತಿದ್ದವು.

ನಗರದಲ್ಲಿ ಬೆರಳೆಣಿಕೆಯ ವಾಹನಗಳ ಸಂಚಾರ ಕಂಡುಬಂತು. ಜನರಿನ್ನೂ ಸಂಡೇ ಲಾಕ್​ಡೌನ್ ಗುಂಗಿನಲ್ಲಿಯೇ ಇರುವಂತೆ ಗೋಚರಿಸಿತು. ಬೆಳಗ್ಗೆ 10 ಗಂಟೆಯಾದರೂ ಅಂಗಡಿ ತೆರೆಯಲಿಲ್ಲ.

ಜಿಲ್ಲೆಯಲ್ಲಿ 1,480 ಕೋವಿಡ್​ ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿದ್ದು, 34 ಮಂದಿ ಮೃತಪಟ್ಟಿದ್ದಾರೆ.