ಗದಗ: ಮೊಬೈಲ್ ಕಳೆದುಕೊಂಡು ಪೇಚಾಡಿದ್ದ ಜನರಿಗೆ ಅವರ ಮೊಬೈಲ್ಗಳನ್ನು ಹುಡುಕಿ ಅವನ್ನು ಮಾಲೀಕರಿಗೆ ಗದಗ ಪೊಲೀಸರು ಒಪ್ಪಿಸಿದ್ದಾರೆ.
ಪೊಲೀಸರ ಈ ಕಾರ್ಯ ಮೊಬೈಲ್ ಮಾಲೀಕರ ಮೆಚ್ಚುಗೆಗೆ ಕಾರಣವಾಗಿದೆ. ನಗರ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಅಂದಾಜು 1 ಲಕ್ಷದ 60 ಸಾವಿರ ಮಾಲ್ಯದ ವಿವಿಧ ಕಂಪನಿಗಳ ಒಟ್ಟು 16 ಮೊಬೈಲ್ ಗಳನ್ನು ಪೊಲೀಸರು ಪತ್ತೆ ಹಚ್ಚಿದ್ದಾರೆ. ಜೊತೆಗೆ ದೂರು ನೀಡಿದ್ದ ಮೊಬೈಲ್ ಮಾಲೀಕರನ್ನು ಕರೆಸಿ ಅವರವರ ಮೊಬೈಲ್ ಗಳನ್ನು ಅವರಿಗೆ ಒಪ್ಪಿಸಿದ್ದಾರೆ.
ನಗರ ಠಾಣೆ ಪೊಲೀಸರ ಈ ಕಾರ್ಯಕ್ಕೆ ಹಿರಿಯ ಅಧಿಕಾರಿಗಳು ಹಾಗೂ ಮೊಬೈಲ್ಗಳನ್ನು ಕಳೆದುಕೊಂಡು ಅವುಗಳನ್ನು ಮರಳಿ ಪಡೆದವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
