ಲಾರಿ, ಬೈಕ್ ಮುಖಾಮುಖಿ.. ದ್ವಿಚಕ್ರ ವಾಹನ ಸವಾರ ಸ್ಥಳದಲ್ಲೇ ಸಾವು

ಲಾರಿ ಮತ್ತು ಬೈಕ್​​ ಮುಖಾಮುಖಿಯಾದ ಪರಿಣಾಮ ಬೈಕ್​​ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಮೃತನ ಸ್ನೇಹಿತ ಗಾಯಗೊಂಡಿದ್ದಾನೆ.

ಗದಗ: ಲಾರಿ ಮತ್ತು ಬೈಕ್​​ ಮುಖಾಮುಖಿಯಾದ ಪರಿಣಾಮ ಬೈಕ್​​ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿದ ಘಟನೆ ಗದಗ್‌ ಹೆಲ್ತ್​​ಕ್ಯಾಂಪ್ ಬಳಿ ನಡೆದಿದೆ.

ಬೈಕ್ ಸವಾರ ರೋಷನ ಅಲಿ (45 ) ಮೃತಪಟ್ಟ ವ್ಯಕ್ತಿ. ಮೃತನ ಸ್ನೇಹಿತ ರವಿ ಎಂಬಾತ ಕೂಡ ಗಾಯಗೊಂಡಿದ್ದಾರೆ.

ಇಬ್ಬರು ರೋಣ ತಾಲೂಕಿನ ಕೋಟುಮಚಗಿ ಗ್ರಾಮದವರಾಗಿದ್ದಾರೆ. ಇನ್ನು ಮೃತ ರೋಷನ್ ಅಲಿ ಕೆಎಸ್ಆರ್​ಟಿಸಿಯ ಗದಗ ಡಿಪೋದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ. ಮುಂಜಾನೆ ಕರ್ತವ್ಯಕ್ಕೆ ಹಾಜರಾಗಲು ಕೋಟುಮಚಗಿ ಗ್ರಾಮದಿಂದ ಬರುವಾಗ ಈ ಅಪಘಾತ ಸಂಭವಿಸಿದೆ. ಈ ಕುರಿತು ಗದಗ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.