ಗದಗದಲ್ಲಿ ಬಡವರಿಗೆ ದಿನಸಿ ಕಿಟ್ ವಿತರಿಸಿದ ಭುವನ್, ಹರ್ಷಿಕಾ ಪೂಣಚ್ಚ

ಭುವನಂ ಫೌಂಡೇಶನ್ ವತಿಯಿಂದ ನಟ ಭುವನ್ ಮತ್ತು ನಟಿ ಹರ್ಷಿಕಾ ಪೂಣಚ್ಚ ಗದಗ ನಗರಕ್ಕೆ ಭೇಟಿ ನೀಡಿ ಅನೇಕ ಬಡ ಜನರಿಗೆ ದಿನಸಿ ಕಿಟ್​ ವಿತರಿಸಿದರು.

ಗದಗ: ಭುವನಂ ಫೌಂಡೇಶನ್ ವತಿಯಿಂದ ಚಿತ್ರನಟರಾದ ಭುವನ್ ಮತ್ತು ಹರ್ಷಿಕಾ ಪೂಣಚ್ಚ ಉತ್ತರ ಕರ್ನಾಟಕದ ಬಹುತೇಕ ಜಿಲ್ಲೆಗಳಲ್ಲಿ ಸಂಚರಿಸಿ ಕೊರೊನಾ ಜಾಗೃತಿ ಮೂಡಿಸುವ ಜೊತೆಗೆ, ದಿನಸಿ‌ ಕಿಟ್ ವಿತರಿಸುತ್ತಿದ್ದಾರೆ.

"ಇಲ್ಲಿಯವರೆಗೂ ಕರ್ನಾಟಕದಾದ್ಯಂತ ಸುಮಾರು 15 ಸಾವಿರಕ್ಕೂ ಹೆಚ್ಚು ಜನರಿಗೆ ದಿನಸಿ ಕಿಟ್ ವಿತರಣೆ ಮಾಡಿದ್ದೇವೆ. ಇನ್ನು ಮುಂದೆಯೂ ಮಾಡುತ್ತೇವೆ. ಇಂದು ಮತ್ತೆ ನಾಳೆ ದಾವಣಗೆರೆ, ಹುಬ್ಬಳ್ಳಿಯಲ್ಲಿ ಕಿಟ್​ ವಿತರಣೆ ಮಾಡಲಿದ್ದು, ನಂತರ ಮೈಸೂರು, ಕೊಡಗಿನಲ್ಲಿ ಈ ಕಾರ್ಯ ಮುಂದುವರೆಸಲಿದ್ದೇವೆ. ಇದರ ನಂತರ ವ್ಯಾಕ್ಸಿನೇಷನ್​ ಡ್ರೈವ್​ಗೆ ಪ್ಲ್ಯಾನ್​ ಮಾಡಿಕೊಂಡಿದ್ದೇವೆ."