ಉಕ್ರೇನ್ ಯುದ್ಧ ಭೂಮಿಯಲ್ಲಿ ನಿಂತು ತಾಯಿಗೆ ಧೈರ್ಯ ತುಂಬಿದ ಯುವತಿ

ಉಕ್ರೇನ್​​ನಲ್ಲಿ ಸಿಲುಕಿಕೊಂಡಿರುವ ವಿದ್ಯಾರ್ಥಿನಿ ತಮ್ಮ ತಾಯಿಗೆ, ನೀವು ಆರಾಮವಾಗಿರಿ, ತಾನು ಸುರಕ್ಷಿತವಾಗಿ ಭಾರತಕ್ಕೆ ಬರುವುದಾಗಿ ಧೈರ್ಯ ತುಂಬಿದ್ದಾಳೆ.

ಹುಬ್ಬಳ್ಳಿ: ಉಕ್ರೇನ್​ನಲ್ಲಿ ಸಿಲುಕಿಕೊಂಡಿರುವ ಯುವತಿಯೋರ್ವಳು ತನ್ನ ತಾಯಿಗೆ ಧೈರ್ಯದ ಮಾತುಗಳನ್ನಾಡಿದ್ದಾಳೆ.

ಇಲ್ಲಿನ ಶಾಂತಿನಗರದ ನಿವಾಸಿ ನಾಝೀಲಾ ಎಂಬ ವಿದ್ಯಾರ್ಥಿನಿ ಎಂಬಿಬಿಎಸ್​ ವ್ಯಾಸಂಗಕ್ಕಾಗಿ ಉಕ್ರೇನ್​ಗೆ ತೆರಳಿದ್ದಾಳೆ. ಸದ್ಯ ಸುರಕ್ಷಿತವಾಗಿದ್ದು, ತಾಯಿ ನೂರ್ ಜಹಾನ್ ಗಾಜಿಪುರಗೆ ವಾಟ್ಸಾಪ್​​ ಸಂದೇಶ ಕಳುಹಿಸಿ ಧೈರ್ಯ ಮಾತುಗಳನ್ನು ಹೇಳಿದ್ದಾಳೆ.

'ನಾನು ಗಡಿ ದಾಟಿದ್ದು, ಉಕ್ರೇನ್- ಹಂಗೇರಿ ಪೊಲೀಸರ ಜೊತೆಗೆ ಸುರಕ್ಷಿತವಾಗಿದ್ದೇನೆ. ನನಗೆ ಉಪಹಾರ ಸೇರಿದಂತೆ ವಿಶ್ರಾಂತಿ ಪಡೆಯಲು ಅವಕಾಶ ಮಾಡಿಕೊಟ್ಟಿದ್ದಾರೆ. ಭಾರತೀಯ ರಾಯಭಾರಿಯವರು ಇಲ್ಲಿಗೆ ಬಂದು ನಮ್ಮನ್ನು ಕರೆದುಕೊಂಡು ಹೋಗುವುದಾಗಿ ತಿಳಿಸಿದ್ದಾರೆ. ಸದ್ಯ ನೆಟ್​ವರ್ಕ್​ ಸಮಸ್ಯೆ ಇದೆ. ನನ್ನ ಬಗ್ಗೆ ಯೋಚನೆ ಮಾಡಬೇಡಿ, ನೀವು ಆರಾಮವಾಗಿರಿ, ನಾನು ಹುಷಾರಾಗಿ ದೇಶಕ್ಕೆ ಮರಳುತ್ತೇನೆ' ಎಂದು ತಿಳಿಸಿದ್ದಾಳೆ.