ಶಾಸಕ ಜಮೀರ್ ಅಹಮದ್​ ಕೊಟ್ಟ ಹಣದಲ್ಲಿ ಮಂಗಳಮುಖಿಯರಿಗೆ ಉಡುಗೊರೆ ನೀಡಿದ ರೀಲ್ಸ್ ಸ್ಟಾರ್

ಶಾಸಕ ಜಮೀರ್ ಅಹ್ಮದ್ ನೀಡಿದ ಹಣವನ್ನು ರೀಲ್ಸ್ ಸ್ಟಾರ್ ಬಾಲಕನೋರ್ವ ಮಂಗಳಮುಖಿಯರಿಗೆ ಉಡುಗೊರೆ ನೀಡುವ ಮೂಲಕ ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರವಾಗಿದ್ದಾನೆ.

ಹುಬ್ಬಳ್ಳಿ : ಶಾಸಕ ಜಮೀರ್ ಅಹ್ಮದ್ ನೀಡಿದ ಹಣವನ್ನು ರೀಲ್ಸ್ ಸ್ಟಾರ್ ಬಾಲಕನೋರ್ವ ಮಂಗಳಮುಖಿಯರಿಗೆ ಉಡುಗೊರೆ ನೀಡುವ ಮೂಲಕ ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರವಾಗಿದ್ದಾನೆ.

ಶುಕ್ರವಾರ ಹುಬ್ಬಳ್ಳಿಗೆ ಮಾಜಿ ಸಚಿವ, ಕಾಂಗ್ರೆಸ್ ಶಾಸಕ ಜಮೀರ್ ಅಹ್ಮದ್ ಆಗಮಿಸಿದ್ದರು. ಈ ವೇಳೆ ಹುಬ್ಬಳ್ಳಿಯ ಖಾಸಗಿ ಹೋಟೆಲ್​ನಲ್ಲಿ ರೀಲ್ಸ್ ನಲ್ಲಿ ಫೇಮಸ್ ಆಗಿರುವ ಬಾಲಕ ಲಕ್ಷ್ಯ ದೊಡ್ಡಮನಿ ಹೂಗುಚ್ಛ ನೀಡಿ ಸ್ವಾಗತಿಸಿದ್ದನು. ಆಗ ಜಮೀರ್ ಅಹ್ಮದ್ ಅವರು ಬಾಲಕನನ್ನು ಮುದ್ದಾಡಿ ಸ್ವಲ್ಪ ಹಣವನ್ನು ನೀಡಿದ್ದರು.

ಜಮೀರ್ ಅವರು ನೀಡಿದ್ದ ಹಣವನ್ನು ಬಾಲಕ ಲಕ್ಷ್ಯ ದೊಡ್ಡಮನಿ ಹಳೆ ಹುಬ್ಬಳ್ಳಿಯ ಹೆಗ್ಗೇರಿ ಕಾಲೋನಿಯಲ್ಲಿ ವಾಸಿಸುವ ಮಂಗಳಮುಖಿಯರಿಗೆ ದೀಪಾವಳಿ ಉಡುಗೊರೆ ನೀಡುವ ಮೂಲಕ ಮಾದರಿಯಾಗಿದ್ದಾರೆ. ಲಕ್ಷ್ಯ ದೊಡ್ಡಮನಿ ಸಮಾಜಮುಖಿ ಕೆಲಸಕ್ಕೆ ಪೋಷಕರು, ಸಾಥ್ ನೀಡಿದ್ದಾರೆ. ಬಾಲಕನ ಈ ಕಾರ್ಯ ಮೆಚ್ಚುಗೆಗೆ ಪಾತ್ರವಾಗಿದೆ.

ಇದನ್ನೂ ಓದಿ : ಮುಂದಿನ ಒಂದು ವರ್ಷದೊಳಗೆ 10 ಲಕ್ಷ ಉದ್ಯೋಗ ನೀಡೋ ಗುರಿ : ಶೋಭಾ ಕರಂದ್ಲಾಜೆ