ಮರೆಯಾಗುತ್ತಿರುವ ಆಚರಣೆಗೆ ಹೊಸ ಮೆರುಗು: ಲಂಬಾಣಿ ಅಭಿವೃದ್ಧಿಗೆ ಹೊಸ ಮಾರ್ಗ

ಕೇಂದ್ರ ಸರ್ಕಾರ ವೋಕಲ್ ಫಾರ್ ಲೋಕಲ್‌ನಂತೆ ಒನ್ ಸ್ಟೇಷನ್ ಒನ್ ಪ್ರೊಡೆಕ್ಟ್ ಅಭಿಯಾನ ಆರಂಭಿಸಿದೆ. ಈ ನಿಟ್ಟಿನಲ್ಲಿ ಲಂಬಾಣಿ ಸಮುದಾಯದ ಉತ್ಪನ್ನಗಳ ಮಾರಾಟಕ್ಕೆ ನೈಋತ್ಯ ರೈಲ್ವೆ ಕೈ ಜೋಡಿಸಿದೆ.

ಹುಬ್ಬಳ್ಳಿ: ಬಂಜಾರಾ (ಲಂಬಾಣಿ) ಸಮುದಾಯ ಅಂದರೆ ಭಾರತೀಯ ಪರಂಪರೆಗೆ ಸಾಕಷ್ಟು ಕೊಡುಗೆ ಕೊಟ್ಟಿರುವ ಸಮುದಾಯ. ಇಲ್ಲಿನ ಆಚರಣೆ ಹಾಗೂ ಉಡುಗೆ-ತೊಡುಗೆ ವಿಭಿನ್ನ ಹಾಗೂ ವಿಶೇಷವಾಗಿದೆ. ಸಮುದಾಯದ ಆಚರಣೆಗೆ ಉತ್ತೇಜನ ನೀಡುವ ಹಾಗೂ ಲಂಬಾಣಿ ಜನರ ಆರ್ಥಿಕ ಮಟ್ಟವನ್ನು ವೃದ್ಧಿಸಲು ಕೇಂದ್ರ ಸರ್ಕಾರ ವೋಕಲ್ ಫಾರ್ ಲೋಕಲ್ ಎಂಬಂತೆ ಒನ್ ಸ್ಟೇಷನ್ ಒನ್ ಪ್ರೊಡೆಕ್ಟ್ ಅಭಿಯಾನ ಆರಂಭಿಸಿದೆ. ಈ ಹಿನ್ನೆಲೆಯಲ್ಲಿ ಲಂಬಾಣಿ ಸಮುದಾಯದ ಉತ್ಪನ್ನಗಳ ಮಾರಾಟ ಹಾಗೂ ಪರಿಚಯಕ್ಕೆ ನೈಋತ್ಯ ರೈಲ್ವೆ ಕೈ ಜೋಡಿಸಿದೆ.

ಸಂಡೂರ ಲಂಬಾಣಿ ಕಸೂತಿ ಕಲಾ ಕೇಂದ್ರದ ಸ್ಟಾಲ್​ವೊಂದು ಹುಬ್ಬಳ್ಳಿ ರೈಲ್ವೆ ನಿಲ್ದಾಣದಲ್ಲಿ ಲೋಕಾರ್ಪಣೆಗೊಂಡಿದ್ದು, ಲಂಬಾಣಿ ಉಡುಪು, ಕನ್ನಡಿ, ನಾಣ್ಯಗಳು, ಚಿಪ್ಪುಗಳ ಮೂಲಕ ಅಳವಡಿಸಿದ ಸಿದ್ಧ ಉಡುಪುಗಳನ್ನು ಇಲ್ಲಿ ಮಾರಾಟಕ್ಕಿಡಲಾಗಿದೆ. ಲಂಬಾಣಿ ಸಮುದಾಯದಲ್ಲಿ ತಮ್ಮ ಬಟ್ಟೆಗಳನ್ನು ತಾವೇ ಸಿದ್ಧ ಪಡಿಸಿಕೊಳ್ಳುತ್ತಾರೆ. ಆದರೆ ಈಗ ಒತ್ತಡದ ಬದುಕಿನಲ್ಲಿ ಈ ವ್ಯವಸ್ಥೆ ಕಣ್ಮರೆಯಾಗುತ್ತಿದ್ದು, ಇಂತಹ ಸಮುದಾಯದ ಸರ್ವಾಂಗೀಣ ಅಭಿವೃದ್ಧಿಗೆ ಸರ್ಕಾರ ಶ್ರಮಿಸುತ್ತಿದೆ.

ಇದನ್ನೂ ಓದಿ: ವಿದ್ಯಾರ್ಥಿಗಳೇ ಗಮನಿಸಿ: ಕಲಬುರಗಿಯ ಈ 16 ಕಾಲೇಜುಗಳಲ್ಲಿ ದಾಖಲಾತಿ ಮಾಡದಿರಿ..