ಹುಬ್ಬಳ್ಳಿ: ಕಿಲ್ಲರ್ ಕೊರೊನಾ ಹಾವಳಿ ಹುಬ್ಬಳ್ಳಿ-ಧಾರವಾಡ ಸೇರಿದಂತೆ ಜಿಲ್ಲೆಯಾದ್ಯಂತ ಹೆಚ್ಚಾಗಿದ್ದು ಜನರಿಗೆ ಕಡಿಮೆ ಬೆಲೆಗೆ ಉತ್ತಮ ದರ್ಜೆಯ ಸರ್ಜಿಕಲ್ ಮಾಸ್ಕ್ ದೊರೆಯಲಿ ಎಂಬ ಸದುದ್ದೇಶದಿಂದ ಮಾಸ್ಕ್ ವೆಂಡಿಂಗ್ ಮಷಿನ್ ವ್ಯವಸ್ಥೆ ಕಲ್ಪಿಸಲಾಗಿದೆ. ಆದ್ರೆ ವಾಣಿಜ್ಯ ನಗರಿಯ ಮಾಸ್ಕ್ ವೆಂಡಿಂಗ್ ಮಷಿನ್ಗಳು ಮಾಸ್ಕ್ಗಳೇ ಇಲ್ಲದೇ ಖಾಲಿ ಖಾಲಿಯಾಗಿವೆ.
ಹುಬ್ಬಳ್ಳಿ-ಧಾರವಾಡದ ಪ್ರಮುಖ ಸ್ಥಳಗಳಲ್ಲಿ ಅಳವಡಿಸಲಾಗಿರುವ ವೆಂಡಿಂಗ್ ಮಷಿನ್ನಲ್ಲಿ 'ಮಾಸ್ಕ್ ನೋ ಸ್ಟಾಕ್' ಎಂದು ಬರುತ್ತಿದೆ. ಪ್ರಾರಂಭದಲ್ಲಿ ಮಾತ್ರ ಎಲ್ಲವೂ ಚೆನ್ನಾಗಿರುತ್ತದೆ. ಆದರೆ ಸ್ವಲ್ಪ ದಿನ ಆಯ್ತು ಅಂದರೆ ಸಾಕು, ಎಲ್ಲ ಹಾಳಾಗಿ ಹೋಗುತ್ತದೆ ಎಂಬುದಕ್ಕೆ ವಲಯ ಕಚೇರಿ 11ರಲ್ಲಿ ಸ್ಥಾಪನೆ ಮಾಡಿರುವ ವೆಂಡಿಂಗ್ ಮಷಿನ್ ಸಾಕ್ಷಿಯಾಗಿದೆ. ಇಲ್ಲಿ ಕಾಯಿನ್ ಹಾಕಿ ಮಾಸ್ಕ್ ಪಡೆಯಲು ಬಂದವರು, ಮಷಿನ್ನಲ್ಲಿ ನೋ ಸ್ಟಾಕ್ ಅಂತಾ ಬರೋದನ್ನು ನೋಡಿ ಬರಿಗೈನಲ್ಲಿ ಹಿಂತಿರುಗುತ್ತಿದ್ದಾರೆ.
ಎಲ್ಲರಿಗೂ ಸುಲಭವಾಗಿ ಮಾಸ್ಕ್ ಸಿಗಬೇಕು ಎಂದು ಅಭಿಯಾನ ಮಾಡಿ ಈ ಮಾಸ್ಕ್ ವೆಂಡಿಂಗ್ ಮಷಿನ್ ಸ್ಥಾಪಿಸಲಾಯ್ತು. ಆದ್ರೆ ಏನೂ ಪ್ರಯೋಜನವಾಗ್ತಿಲ್ಲ ಅಂತಾ ಸಾರ್ವಜನಿಕರು ದೂರುವಂತಾಗಿದೆ.
