ಧಾರವಾಡ: ಕೊರೊನಾ ನಿಯಂತ್ರಣಕ್ಕೆ ಮುಂದಾಗಿರುವ ಸರ್ಕಾರ ಕಠಿಣ ಲಾಕ್ಡೌನ್ ಜಾರಿಗೊಳಿಸಿದೆ. ಹೀಗಾಗಿ ಹೊತ್ತಿನ ಊಟಕ್ಕೂ ದುಡಿಮೆಯನ್ನೇ ನಂಬಿ ಬದುಕುತ್ತಿದ್ದ ಅನೇಕ ಬಡವರು ಆಹಾರವಿಲ್ಲದೇ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಇಂಥವರನ್ನು ಕಂಡು ಮರುಗಿರುವ ಯುವ ಸಮೂಹವೊಂದು ನಗರದಲ್ಲಿ ಫುಡ್ ಕಿಟ್ ವಿತರಿಸಲು ಮುಂದಾಗಿದೆ.
ಹೊರಗೆ ಕೆಲಸವಿಲ್ಲ, ಮನೆಯಲ್ಲಿ ತಿನ್ನಲು ಧಾನ್ಯವಿಲ್ಲದ ಪರಿಸ್ಥಿತಿಯಲ್ಲಿರುವ ಬಡವರನ್ನು ಕಂಡಿರುವ ಯುವಕರು, ವಿವಿಧ ಸಾಮಗ್ರಿಗಳ ಕಿಟ್ಗಳನ್ನು ಹಂಚುತ್ತಿದ್ದಾರೆ. ಈ ಯುವಕರ ಕೆಲಸವನ್ನು ನೋಡಿ ಮೆಚ್ಚಿರುವ ಅನೇಕ ಅನಿವಾಸಿ ಭಾರತೀಯರು, ಈ ಕೆಲಸವನ್ನು ಹೀಗೆಯೇ ಮುಂದುವರೆಸುವಂತೆ ಬೆಂಬಲ ಸೂಚಿಸಿದ್ದು, ಅಭಿಯಾನಕ್ಕೆ ಬೇಕಾಗುವ ಆರ್ಥಿಕ ಸಹಾಯ ನೀಡಲು ನಿರ್ಧರಿಸಿದ್ದಾರೆ.
ಇವರ ಕೆಲಸಕ್ಕೆ ಎಲ್ಲೆಡೆ ಮೆಚ್ಚುಗೆ, ಪ್ರಶಂಸೆ ವ್ಯಕ್ತವಾಗುತ್ತಿರುವುದರಿಂದ ಮತ್ತಷ್ಟು ಉತ್ಸಾಹದಿಂದ ಯುವಕರು ಕೆಲಸ ಮಾಡಲು ಮುಂದಾಗಿದ್ದು, ಈ ಕಿಟ್ನಲ್ಲಿ ಅಡುಗೆ ಎಣ್ಣೆ, ಅಕ್ಕಿ, ತೊಗರಿ ಸೇರಿದಂತೆ ವಿವಿಧ ಅಡುಗೆ ಸಾಮಗ್ರಿಗಳನ್ನು ತುಂಬಿಸಿ ಬಡಜನರಿಗೆ ನೀಡುತ್ತಿದ್ದಾರೆ.
ಓದಿ: ಅಕ್ಷಯ ತೃತೀಯ ಚಿನ್ನ ಖರೀದಿಗೆ ತಟ್ಟಿದ ಲಾಕ್ಡೌನ್ ಬಿಸಿ: ಸಂಕಷ್ಟದಲ್ಲಿ ಚಿನ್ನದ ವ್ಯಾಪಾರಿಗಳು
