ಹುಬ್ಬಳ್ಳಿ : ಕೋವಿಡ್ ಸಮಯದಲ್ಲಿ ಸೋಂಕಿತರಿಗೆ ಬೆಡ್ ಕೊರತೆಯಾಗಬಾರದೆಂದು ಸರ್ಕಾರ ರೈಲ್ವೆ ಕೋಚ್ಗಳನ್ನು ಐಸೋಲೇಶನ್ ವಾರ್ಡ್ಗಳಾಗಿ ಪರಿವರ್ತಿಸಿತ್ತು. ಆದರೆ, ಈ ವಿಶೇಷ ಕೋಚ್ಗಳು ಇದೀಗ ಬಳಕೆಯಾಗದೆ ತುಕ್ಕು ಹಿಡಿಯುತ್ತಿವೆ.
ಬೆಂಗಳೂರು ಸೇರಿದಂತೆ ರಾಜ್ಯದ ವಿವಿದೆಡೆ ಕೋವಿಡ್ ಸೋಂಕಿತರು ಸರಿಯಾಗಿ ಬೆಡ್ ಸಿಗದೆ ಪರದಾಡುತ್ತಿದ್ದಾರೆ. ಈ ಸಮಯದಲ್ಲಿ ರೆಡಿಯಾಗಿರುವ ರೈಲ್ವೆ ಕೋಚ್ಗಳನ್ನು ಬಳಸಿಕೊಂಡರೆ ಬೆಡ್ ಕೊರತೆ ನೀಗಿಸಬಹುದು. ಆದರೆ, ಸರ್ಕಾರ ಇರುವ ವ್ಯವಸ್ಥೆಯನ್ನು ಸದುಪಯೋಗಪಡಿಸಿಕೊಳ್ಳಲು ಹಿಂದೇಟು ಹಾಕುತ್ತಿದೆ.
ಸುಮಾರು 280 ಐಸೋಲೇಶನ್ ಕೋಚ್ಗಳು ನೈರುತ್ಯ ರೈಲ್ವೆ ವಿಭಾಗದಲ್ಲಿ ರೆಡಿ ಇದೆ. ಈ ಪೈಕಿ ಹುಬ್ಬಳ್ಳಿಯ ವರ್ಕ್ ಶಾಪ್ನಲ್ಲಿ 96 ಕೋಚ್ಗಳನ್ನು ಐಸೋಲೇಶನ್ ಕೋಚ್ಗಳಾಗಿ ಪರಿವರ್ತಿಸಲಾಗಿದೆ.
ಓದಿ : ರಾಯಚೂರು ಓಪೆಕ್ ಆಸ್ಪತ್ರೆಯಲ್ಲಿ ಅವ್ಯವಸ್ಥೆ ಆರೋಪ
ಕೋವಿಡ್ ಸೋಂಕಿನ ಲಕ್ಷಣಗಳು ಕಂಡು ಬಂದಂತಹ ಯಾವುದೇ ವ್ಯಕ್ತಿಯಾದರೂ ಈ ರೈಲ್ವೆ ಐಸೋಲೇಶನ್ ಕೋಚ್ಗೆ ತೆರಳಿ ವೈದ್ಯರಿಂದ ತಪಾಸಣೆ ಮಾಡಿಸಿಕೊಳ್ಳಬಹುದು.
ಒಂದು ಕೋಚ್ನಲ್ಲಿ 16 ಸೋಂಕಿತರಿಗೆ ಚಿಕಿತ್ಸೆ ಪಡೆಯುವ ವ್ಯವಸ್ಥೆ ಮಾಡಲಾಗಿದೆ. ಅಗತ್ಯ ಬಿದ್ದರೆ ವೆಂಟಿಲೇಟರ್, ಆಕ್ಸಿಜನ್ ಸೇರಿದಂತೆ ಎಲ್ಲಾ ಸೌಲಭ್ಯಗಳನ್ನು ಒದಗಿಸಲು ರೈಲ್ವೆ ಇಲಾಖೆ ಯೋಜಿಸಿದೆ.
ಇಷ್ಟೆಲ್ಲಾ ವ್ಯವಸ್ಥೆಗಳಿದ್ದರೂ ಸರ್ಕಾರ ಮಾತ್ರ ರೈಲ್ವೆ ಕೋಚ್ಗಳನ್ನು ಬಳಸಿಕೊಳ್ಳಲು ಹಿಂದೇಟು ಹಾಕುತ್ತಿದೆ. ಈ ಬಗ್ಗೆ ಸಚಿವ ಜಗದೀಶ್ ಶೆಟ್ಟರ್ ಅವರನ್ನು ಕೇಳಿದ್ರೆ, ರೈಲ್ವೆ ಕೋಚ್ಗಳಲ್ಲಿ ಐಸೋಲೇಶನ್ ಮಾಡುವ ಅಗತ್ಯವಿಲ್ಲ ಎನ್ನುತ್ತಿದ್ದಾರೆ.
