ಕೊರೊನಾ ಭೀತಿಯ ನಡುವೆಯೂ ಬಯೋಮೆಟ್ರಿಕ್​​​ ಮೂಲಕ ಪಡಿತರ ವಿತರಣೆ

ಹುಬ್ಬಳ್ಳಿ ನಗರದ ತೊರವಿಹಕ್ಕಲ ನ್ಯಾಯಬೆಲೆ ಅಂಗಡಿಯವರು ಪಡಿತರ ಚೀಟಿ ಹೊಂದಿದವರ ಹತ್ತಿರ ಬಯೋಮೆಟ್ರಿಕ್ ಹಾಕಿಸುವುದರ ಮೂಲಕ ಪಡಿತರ ವಿತರಿಸುತ್ತಿದ್ದಾರೆ.

ಹುಬ್ಬಳ್ಳಿ: ಕೋವಿಡ್-19 ವೈರಸ್ ಹರಡುವ ಭೀತಿಯಲ್ಲಿ ಅಕ್ಕಿ ವಿತರಣೆಯನ್ನು ಬಯೋಮೆಟ್ರಿಕ್ ನೀಡದೆ ಕೇವಲ ಓಟಿಪಿ ಮೂಲಕ ಪಡೆಯುವ ನಿಯಮ ಜಾರಿಯಲ್ಲಿದೆ. ಆದರೆ, ಜಿಲ್ಲೆಯ ಇಲ್ಲೊಂದು ನ್ಯಾಯ ಬೆಲೆ ಅಂಗಡಿ ಮಾತ್ರ ಬಯೋಮೆಟ್ರಿಕ್ ಮೂಲಕವೇ ಅಕ್ಕಿ ನೀಡುತ್ತಿದೆ.

ಸೋಂಕು ಹರಡುವುದನ್ನು ತಪ್ಪಿಸಲು ಸಾಕಷ್ಟು ಖಡಕ್ ಕ್ರಮಗಳನ್ನು ಕೈಗೊಂಡಿರುವ ಸರ್ಕಾರ, ಪಡಿತರ ವಿತರಣೆಗೆ ಬಯೋಮೆಟ್ರಿಕ್ ಕಡ್ಡಾಯವಲ್ಲ ಎಂದು ಹೇಳಿದೆ‌. ಅಂಥದ್ರಲ್ಲಿ ನಗರದ ತೊರವಿಹಕ್ಕಲ ನ್ಯಾಯಬೆಲೆ ಅಂಗಡಿಯವರು ಪಡಿತರ ಚೀಟಿ ಹೊಂದಿದವರ ಹತ್ತಿರ ಬಯೋಮೆಟ್ರಿಕ್ ಹಾಕಿಸುವುದರ ಮೂಲಕ ಪಡಿತರ ವಿತರಣೆ ಮಾಡುತ್ತಿದ್ದಾರೆ. ಬಯೋಮೆಟ್ರಿಕ್‌ನಿಂದ ರೋಗ ಹೆಚ್ಚು ಹರಡುವ ಹಿನ್ನೆಲೆ ಹೊಸ ರೂಲ್ಸ್ ಜಾರಿಮಾಡಲಾಗಿತ್ತು.

ಆದ್ರೆ, ನಗರದಲ್ಲಿ ಮಾತ್ರ ಇನ್ನೂ ಹೆಬ್ಬೆಟ್ಟಿನ ಗುರುತಿನ ಮೂಲಕ ಅಕ್ಕಿ ವಿತರಣೆ ಮಾಡುತ್ತಿದ್ದು ಸೋಂಕು ಹರಡುವಿಕೆಗೆ ಅವಕಾಶ ಮಾಡಿಕೊಟ್ಟಂತಾಗುತ್ತದೆ ಎಂದು ಜನರು ದೂರಿದ್ದಾರೆ.