2 ತಿಂಗಳ ಕರೆಂಟ್‌ ಬಿಲ್‌ ₹7.64 ಲಕ್ಷ.. ಮನೆ ಮಾಲೀಕನಿಗೆ ಹೆಸ್ಕಾಂ ಕೊಟ್ಟಿತು ಶಾಕ್!!

ಹೆಸ್ಕಾಂ ಅಧಿಕಾರಿಗಳು ಆರೇರ್ ಓಣಿಯಲ್ಲಿರುವ ಮನೆಯೊಂದರ ಕರೆಂಟ್‌ ಬಿಲ್ ಕೊಟ್ಟಿರೋದನ್ನ ನೋಡಿದ್ರೆ ಬರೀ ಯಾರಿಗೆ ಆದ್ರೂ ಶಾಕ್‌ ಹೊಡೆದಂತಾಗದೆ ಇರೋದಿಲ್ಲ..

ಧಾರವಾಡ : ಹೊಸಯಲ್ಲಾಪುರದ ನಿವಾಸಿ ಡಿ ಎಸ್‌ ಬಿರ್ಜನ್ನವರ ಎಂಬುವರು ತಮ್ಮ ಮನೆಗೆ ಬಂದ ಎರಡು ತಿಂಗಳ ವಿದ್ಯುತ್​ ಬಿಲ್​ ನೋಡಿ ಶಾಕ್​ ಆಗಿದ್ದಾರೆ.

ಹೊಸಯಲ್ಲಾಪುರದ ಆರೇರ್ ಓಣಿಯಲ್ಲಿರುವ ಬಿರ್ಜನ್ನವರ ಎಂಬುವರ ಮನೆಗೆ ಬಂದ ಹೆಸ್ಕಾಂ ಅಧಿಕಾರಿಗಳು, ಎರಡು ತಿಂಗಳಿಗೆ ಬರೋಬ್ಬರಿ 7. 64 ಲಕ್ಷ ಬಿಲ್​ ನೀಡಿದ್ದಾರೆ. ಇದರಿಂದ ಮನೆ ಮಾಲೀಕರು ಬೆಚ್ಚಿ ಬಿದ್ದಿದ್ದಾರೆ.

ಹೆಸ್ಕಾಂ ಸಿಬ್ಬಂದಿಯ ಯಡವಟ್ಟಿನಿಂದಾಗಿ ಮನೆ ಮಾಲೀಕ ಪೇಚೆಗೆ ಸಿಲುಕಿದ್ದಾರೆ.