ಜಿಲ್ಲೆಯಲ್ಲಿ ಒಂದೇ ದಿನ 225 ಶಂಕಿತರು ಪತ್ತೆ: 161 ಜನರ ವರದಿ ಬಾಕಿ

ಧಾರವಾಡ ಜಿಲ್ಲೆಯ ಈದಿನದ ಕೊರೊನಾ ಬ್ಯುಲೆಟಿನ್​ ಬಿಡುಗಡೆಗೊಂಡಿದೆ. ಎಷ್ಟು ಜನ ಆಸ್ಪತ್ರೆಯಿಂದ ಬಿಡುಗಡೆಯಾದರು? ಎಷ್ಟು ಜನರು ಐಸೋಲೇಷನ್ ಪೂರ್ಣಗೊಳಿಸಿದರು ಅನ್ನೋ ಮಾಹಿತಿ ಇಲ್ಲಿದೆ.

ಧಾರವಾಡ: ಜಿಲ್ಲೆಯ ಕೊರೊನಾ ಬುಲೆಟಿನ್​ ಬಿಡುಗಡೆಗೊಂಡಿದ್ದು ಒಂದೇ ದಿನ 225 ಜನರಲ್ಲಿ ಶಂಕಿತ ಕೊರೊನಾ ಗುಣಲಕ್ಷಣ ಪತ್ತೆಯಾಗಿದೆ. ಅದರಲ್ಲಿ 64 ಜನರ ವರದಿ ನೆಗೆಟಿವ್ ಬಂದಿದೆ. ಉಳಿದ 161 ಜನರ ವರದಿ ಬಾಕಿಯಿದೆ.

ಧಾರವಾಡ ಜಿಲ್ಲೆಯ ಈದಿನದ ಕರೊನಾ ಬ್ಯುಲೆಟಿನ್​ ಬಿಡುಗಡೆ

ನಿನ್ನೆಯವರೆಗೆ ದಾಖಲಾಗಿದ್ದ 218 ಶಂಕಿತರ ವರದಿಯೂ ನೆಗೆಟಿವ್ ಬಂದಿದ್ದು, ಇಂದು ದಾಖಲಾದ 225 ಶಂಕಿತರ ಪೈಕಿ 161 ಜನರ ವರದಿ ಬಾಕಿಯಿದೆ. 10 ಜನರಿಗೆ ಆಸ್ಪತ್ರೆಯಲ್ಲಿ ಐಸೋಲೇಷನ್ ಇಡಲಾಗಿದೆ. ಇಲ್ಲಿಯವರೆಗೆ ಒಟ್ಟು 2,540 ಜನರ ಮೇಲೆ‌‌ ಜಿಲ್ಲಾಡಳಿತ ನಿಗಾ ವಹಿಸಿದೆ.‌ ಅದರಲ್ಲಿ 1736 ಜನರಿಗೆ 14 ದಿನಗಳ ಐಸೋಲೇಷನ್ ಇಡಲಾಗಿದೆ. 70 ಜನರಿಂದ 14 ದಿನಗಳ ಐಸೋಲೇಷನ್ ಹಾಗೂ 703 ಜನರಿಂದ 28 ದಿನಗಳ ಐಸೋಲೇಷನ್ ಪೂರ್ಣಗೊಂಡಿದೆ.