ಹುಬ್ಬಳ್ಳಿ : ರಾಜ್ಯಾದ್ಯಂತ ಕೊರೊನಾ ಭೀತಿ ಹೆಚ್ಚಾಗುತ್ತಿದೆ. ಮುಂಜಾಗ್ರತ ಕ್ರಮವಾಗಿ ಜಿಲ್ಲಾಡಳಿತ ಸಭೆ-ಸಮಾರಂಭ,ಜಾತ್ರೆ ನಡೆಸದಂತೆ ಆದೇಶಿಸಿದ್ದಾರೆ. ಆದರೆ, ಹುಬ್ಬಳ್ಳಿಯಲ್ಲಿ ಮಾತ್ರ ಜನತಾ ಬಜಾರ್‌ನ ಹತ್ತಿರದ ದರ್ಗಾದ ಚಾಂಗದೇವ್ ಮಹಾರಾಜರ ಉರುಸಿನಲ್ಲಿ ಸಾವಿರಾರು ಭಕ್ತರು ಭಾಗಿಯಾಗಿದ್ದರು. ಉರುಸು ಅದ್ಧೂರಿಯಾಗಿ ಜರುಗಿತು.
ಹುಬ್ಬಳ್ಳಿಯಲ್ಲಿ ನಡೆದ ಚಾಂಗದೇವ್ ಮಹಾರಾಜರ ಉರುಸು..
ಪ್ರತಿವರ್ಷದಂತೆ ಈ ವರ್ಷವೂ ಚಾಂಗದೇವ್ ಮಹಾರಾಜರ ಉರುಸು ಅದ್ದೂರಿಯಾಗಿ ನಡೆದಿದೆ. ಉರುಸಿನಲ್ಲಿ ಹೆಣ್ಣುಮಕ್ಕಳು ಸಹ ನೂರಾರು ಸಂಖ್ಯೆಯಲ್ಲಿ ಭಾಗಿಯಾಗಿದ್ದರು. ಚಾಂಗದೇವ್ ಮಹಾರಾಜರ ದರ್ಶನ ಪಡೆಯಲು ಭಕ್ತರು ಸಾಲಿನಲ್ಲಿ ನಿಂತಿರುವ ದೃಶ್ಯ ಸಾಮಾನ್ಯವಾಗಿತ್ತು.
ಯಾವುದೇ ಜಾತ್ರೆ ಹಾಗೂ ಸಮಾರಂಭದಲ್ಲಿ ಭಾಗಿಯಾಗುವಾಗ ಮಾಸ್ಕ್ ಹಾಕಿಕೊಳ್ಳಬೇಕು ಎಂದು ಸರ್ಕಾರ ಆದೇಶ ಹೊರಡಿಸಿದೆ. ಆದರೆ, ಭಕ್ತರು ಮಾತ್ರ ಯಾವುದೇ ಮುನ್ನೆಚ್ಚರಿಕೆ ವಹಿಸಿದೆ ಉರುಸಿನಲ್ಲಿ ಭಾಗಿಯಾಗಿದ್ದರು.
