ಹರಿಹರ : ಹನಗವಾಡಿಯ ವೀರಶೈವ ಲಿಂಗಾಯುತ ಪಂಚಮಸಾಲಿ ಮಠಕ್ಕೆ ದಾವಣಗೆರೆ ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಸ್ ಈಶ್ವರಪ್ಪ ಭೇಟಿ ನೀಡಿ ವಚನಾನಂದ ಶ್ರೀಗಳ ಆಶೀರ್ವಾದ ಪಡೆದರು.
ಶಿವಮೊಗ್ಗದಿಂದ ದಾವಣಗೆರೆಗೆ ತೆರಳುವ ಮಾರ್ಗಮಧ್ಯದಲ್ಲಿ ಪಂಚಮಸಾಲಿ ಪೀಠಕ್ಕೆ ತೆರಳಿದ ಈಶ್ವರಪ್ಪ ವಿವಿಧ ವಿಚಾರಗಳ ಬಗ್ಗೆ ಶ್ರೀಗಳೊಡನೆ ಸುದೀರ್ಘ ಚರ್ಚೆ ನಡೆಸಿದರು.
ಪಂಚಮಸಾಲಿ ಮಠಕ್ಕೆ ಕೆ.ಎಸ್ ಈಶ್ವರಪ್ಪ ಭೇಟಿ
ಈ ವೇಳೆ ಶ್ರೀಗಳನ್ನು ಹೊಗಳಿದ ಈಶ್ವರಪ್ಪ, ಜನರು ನಿಮ್ಮನ್ನು ಆಧ್ಯಾತ್ಮಿಕ ಗುರುಗಳು ಎಂದು ಗುರುತಿಸುವುದಕ್ಕಿಂತ, ಯೋಗ ಗುರುವೆಂದೇ ಗುರುತಿಸುವುದು ಹೆಚ್ಚು. ನಿಮ್ಮ ಹೆಸರು ದೇಶ ವಿದೇಶಗಳಲ್ಲಿ ಪ್ರಖ್ಯಾತಿ ಹೊಂದಲು ಯೋಗ ಸಹಕಾರಿ ಎಂದರು.
