ದಾವಣಗೆರೆ: ಕುದುರೆ ಖರೀದಿಸಲು ಬೆಣ್ಣೆನಗರಿಗೆ ಬಂದಿರುವ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಗರದ ಬಾಪೂಜಿ ಗೆಸ್ಟ್ ಹೌಸ್ನಲ್ಲಿ ತಂಗಿದ್ದು, ದುಬಾರಿ ಬೆಲೆಯ ಲ್ಯಾಂಬರ್ ಗನಿ ಕಾರಿನ ಮುಂದೆ ನಿಂತು ಪೊಲೀಸರು ಫೋಟೋ ತೆಗೆಸಿಕೊಂಡ ಘಟನೆ ನಡೆಯಿತು.
ಹರಿಹರ ತಾಲೂಕಿನ ದುಗ್ಗತ್ತಿ ಶುಗರ್ ಕಾರ್ಖಾನೆ ಹಾಗೂ ಕಲ್ಲೇಶ್ವರ ರೈಸ್ ಮಿಲ್ಗೆ ರಾತ್ರಿ ಮಾಜಿ ಸಚಿವ ಎಸ್.ಎಸ್.ಮಲ್ಲಿಕಾರ್ಜುನ್ ಜೊತೆ ಭೇಟಿ ನೀಡಿದ ದರ್ಶನ್, ಕುದುರೆಗಳನ್ನು ನೋಡಿದ್ದಾರೆ. ಬಳಿಕ ರಾತ್ರಿ ಶಾಮನೂರು ಶಿವಶಂಕರಪ್ಪ ಮನೆಯಲ್ಲಿ ಊಟ ಮಾಡಿದ ಬಳಿಕ ರಾತ್ರಿ 3.15ಕ್ಕೆ ಬಾಪೂಜಿ ಗೆಸ್ಟ್ ಹೌಸ್ಗೆ ಆಗಮಿಸಿ, ಅಲ್ಲಿಯೇ ತಂಗಿದ್ದರು.
ಬೆಳಗ್ಗೆ ಆರು ಗಂಟೆಗೆ ಬಾಪೂಜಿ ಗೆಸ್ಟ್ ಹೌಸ್ಗೆ ಆಗಮಿಸಿದ ವಿದ್ಯಾನಗರ ಪೊಲೀಸ್ ಠಾಣೆಯ ಸಿಬ್ಬಂದಿ ಲ್ಯಾಂಬರ್ ಗನಿ ಕಾರಿನ ಮುಂದೆ ನಿಂತು ಫೋಟೋ ತೆಗೆದುಕೊಂಡು ಖುಷಿಪಟ್ಟರು. ಎಸ್.ಎಸ್.ಮಲ್ಲಿಕಾರ್ಜುನ್ ಬಳಿ ಹತ್ತಕ್ಕೂ ಹೆಚ್ಚು ಕುದುರೆಗಳಿದ್ದು, ಈ ಪೈಕಿ ಒಂದು ಕುದುರೆಯಾದರೂ ನೀಡಬೇಕೆಂದು ಮಲ್ಲಿಕಾರ್ಜುನ್ ಬಳಿ ದರ್ಶನ್ ಕೇಳಿಕೊಂಡಿದ್ದಾರೆ. ಆದರೆ ಕುದುರೆ ಇಷ್ಟವಾದ ಬಳಿಕ ಇಲ್ಲಿಂದ ಹೋಗ್ತೇನೆ. ಇಲ್ಲದಿದ್ದರೆ ಎರಡು ದಿನವಾದರೂ ಇಲ್ಲಿಯೇ ಇರುತ್ತೇನೆ ಎಂದು ದರ್ಶನ್, ಮಲ್ಲಿಕಾರ್ಜುನ್ ಬಳಿ ಹೇಳಿದ್ದಾರೆ ಎಂದು ತಿಳಿದು ಬಂದಿದೆ.
