ನೇತ್ರಾವತಿ ನದಿಗೆ ಹಾರಿದ್ದ ಒಂದೇ ಕುಟುಂಬದ ಮೂವರು: ಮತ್ತೊಂದು ಮೃತದೇಹ ಪತ್ತೆ

ಮಂಗಳೂರು ಸಮೀಪದ ನೇತ್ರಾವತಿ ನದಿಗೆ ಒಂದೇ ಕುಟುಂಬದ ಮೂವರು ನಿನ್ನೆ ಹಾರಿದ್ದರು. ತಾಯಿಯ ಮೃತದೇಹ ನಿನ್ನೆ ಪತ್ತೆಯಾಗಿತ್ತು. ಇಂದು ಮತ್ತೊಂದು ಮೃತದೇಹ ಸಿಕ್ಕಿದ್ದು, ದೇರಳಕಟ್ಟೆಯ ಆಸ್ಪತ್ರೆಯ ಶವಗಾರದಲ್ಲಿ ಮೃತದೇಹ ಇರಿಸಲಾಗಿದೆ.

ಮಂಗಳೂರು: ಒಂದೇ ಕುಟುಂಬದ ಮೂವರು ನೇತ್ರಾವತಿ ನದಿಗೆ ಹಾರಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮತ್ತೋರ್ವ ಯುವತಿ ಮೃತದೇಹ ಕೊಣಾಜೆ ಇನೋಳಿ ಕೊರಿಯ ಎಂಬಲ್ಲಿ ಪತ್ತೆಯಾಗಿದೆ.

ಯುವತಿ ಕಲ್ಪಿತಾ ಮಂದಣ್ಣ ಎಂಬುವರ ಮೃತದೇಹ ಪತ್ತೆಯಾಗಿದೆ. ನಿನ್ನೆ ಮಧ್ಯರಾತ್ರಿ ತಾಯಿ ತನ್ನ ಇಬ್ಬರು ಮಕ್ಕಳೊಂದಿಗೆ ಬಿ.ಸಿ. ರೋಡ್​​ನ ಪಾಣೆ ಮಂಗಳೂರು ಸಮೀಪದ ನೇತ್ರಾವತಿ ನದಿಗೆ ಹಾರಿದ್ದರು.

ತಾಯಿ ಕವಿತಾ ಮಂದಣ್ಣ ಮೃತದೇಹ ನಿನ್ನೆ ರಾತ್ರಿಯೇ ಪತ್ತೆಯಾಗಿತ್ತು. ಮಗ ಕೌಶಿಕ್ ಮಂದಣ್ಣ ಮೃತದೇಹಕ್ಕಾಗಿ ಕಾರ್ಯಾಚರಣೆ ಮುಂದುವರಿದೆ. ದೇರಳಕಟ್ಟೆಯ ಆಸ್ಪತ್ರೆಯ ಶವಗಾರದಲ್ಲಿ ಮೃತದೇಹವನ್ನು ಇರಿಸಲಾಗಿದೆ.