ಬಂಟ್ವಾಳ: 22 ಕೆರೆ ಹಾವಿನ ಮರಿಗಳ ರಕ್ಷಿಸಿದ ಸ್ನೇಕ್​​ ಕಿರಣ್​

ಬಂಟ್ವಾಳ ತಾಲೂಕಿನ ಉರಗ ತಜ್ಞ ಕಿರಣ್ ಮನೆಯೊಂದರಲ್ಲಿ ಕಂಡುಬಂದಿದ್ದ 22 ಕೆರೆ ಹಾವಿನ ಮರಿಗಳನ್ನು ರಕ್ಷಿಸಿ ಕಾಡಿಗೆ ಬಿಟ್ಟಿದ್ದಾರೆ.

ಬಂಟ್ವಾಳ : ಬಂಟ್ವಾಳ ತಾಲೂಕಿನ ಉರಗ ತಜ್ಞ ಸ್ನೇಕ್ ಕಿರಣ್ ಅವರು ಮನೆಯೊಂದರಲ್ಲಿ ಕಂಡು ಬಂದಿದ್ದ ಕೆರೆಹಾವಿನ 22 ಮೊಟ್ಟೆಗಳನ್ನು ರಕ್ಷಿಸಿ, ಅವುಗಳನ್ನು ವೈಜ್ಞಾನಿಕ ವಿಧಾನದ ಮೂಲಕ ಮರಿ ಮಾಡಿ ಕಾಡಿಗೆ ಬಿಟ್ಟಿದ್ದಾರೆ.

ದೇವಶ್ಯಪಡೂರು ಗ್ರಾಮದ ಮರಾಯಿದೊಟ್ಟು ನಿವಾಸಿ ಲಕ್ಷ್ಮಣ್ ಮನೆಯ ಬಳಿ ಮಳೆಗೆ ನೆಲ ಕುಸಿದಿದ್ದು, ಸುಮಾರು 22 ಕೆರೆ ಹಾವಿನ ಮೊಟ್ಟೆಗಳು ಕಂಡುಬಂದಿದ್ದವು. ಈ ಕುರಿತು ಬಂಟ್ವಾಳ ಅರಣ್ಯ ಇಲಾಖೆಗೆ ಮಾಹಿತಿ ನೀಡಲಾಗಿದ್ದು, ಬಳಿಕ ಅರಣ್ಯ ಇಲಾಖೆ ನಿರ್ದೇಶನದಲ್ಲಿ ಸ್ನೇಕ್ ಕಿರಣ್ ಮೊಟ್ಟೆಗಳಿಂದ ವೈಜ್ಞಾನಿಕ ಕ್ರಮದ ಮೂಲಕ 20 ಮರಿಗಳನ್ನು ಮಾಡಿ ಕಾಡಿಗೆ ಬಿಟ್ಟಿದ್ದಾರೆ.

ಕೆರೆ ಹಾವಿನ ಮೊಟ್ಟೆ​

ಹಾವಿನ ಮರಿಗಳನ್ನು ರಕ್ಷಿತಾರಣ್ಯಕ್ಕೆ ಬಿಡುವ ವೇಳೆ ಅರಣ್ಯ ಇಲಾಖೆಯ ಎಸಿಎಫ್ ಸುಬ್ರಹ್ಮಣ್ಯ ರಾವ್, ಬಂಟ್ವಾಳ ವಲಯ ಅರಣ್ಯಾಧಿಕಾರಿ ರಾಜೇಶ್ ಬಳಿಗಾರ್, ಡಿಆರ್‌ಎಫ್ಒ ಅನಿಲ್, ಸಿಬ್ಬಂದಿ ಮನೋಜ್, ನಿತ್ಯಪ್ರಕಾಶ್ ಬಂಟ್ವಾಳ ಉಪಸ್ಥಿತರಿದ್ದರು.

ಕೆರೆ ಹಾವಿನ ಮರಿಗಳನ್ನು ರಕ್ಷಣೆ ಮಾಡಿದ ಸ್ನೇಕ್​​ ಕಿರಣ್​