ಮಂಗಳೂರು: ಗುರುಪುರದ ಚಿಲಿಂಬಿಗುಡ್ಡೆಯಲ್ಲಿ ಡ್ರಗ್ಸ್ ಸೇವಿಸಿ ಯುವತಿಯರೊಂದಿಗಿದ್ದ ಜೋಡಿಯನ್ನು ಪೊಲೀಸರಿಗೊಪ್ಪಿಸಿದ ಬಜರಂಗದಳ ಸದಸ್ಯರಿಗೆ ಕಾಂಗ್ರೆಸ್ ವಕ್ತಾರೆ ಪ್ರತಿಭಾ ಕುಳಾಯಿ ಅಭಿನಂದನೆ ಸಲ್ಲಿಸಿದ್ದಾರೆ.
ಈ ಕುರಿತು ವಿಡಿಯೋ ಮೂಲಕ ಅಭಿನಂದಿಸಿದ್ದು, ಬಜರಂಗದಳ ಕಾರ್ಯಕರ್ತರು ಈ ಜೋಡಿಯನ್ನ ಪೊಲೀಸರಿಗೊಪ್ಪಿಸಿದ ಬಳಿಕ ಇಬ್ಬರು ಯುವಕರು ಡ್ರಗ್ಸ್ ಸೇವಿಸಿರುವುದು ತಿಳಿದುಬಂದಿತ್ತು. ಇವರ ಜೊತೆ ಇದ್ದ ಇಬ್ಬರು ಯುವತಿಯರಲ್ಲಿ ಒಬ್ಬಳು ಅಪ್ರಾಪ್ತೆಯಾಗಿದ್ದಳು. ಈ ಸಂದರ್ಭದಲ್ಲಿ ಬಜರಂಗದಳವನ್ನು ಅಭಿನಂದಿಸುತ್ತೇನೆ. ಕಾನೂನು ಕೈಗೆ ತೆಗೆದುಕೊಳ್ಳದೆ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಈ ಡ್ರಗ್ಸ್ ಮಾಫಿಯ ಎಷ್ಟೋ ಯುವಕರ ಜೀವನ ಹಾಳು ಮಾಡುತ್ತಿದೆ. ಇದರ ವಿರುದ್ಧ ಹೋರಾಡಬೇಕಿದೆ ಎಂದಿದ್ದಾರೆ.
ಆ ಹುಡುಗಿಯ ತಾಯಿಯ ನೋವು ನೋಡಿದ್ದೇನೆ. ನನ್ನ ಕಡೆಯಿಂದ ಅವರಿಗೆ ಬೇಕಾದ ಸಪೋರ್ಟ್ ಕೊಡುತ್ತೇನೆ. ಈ ಹುಡುಗಿಯರಿಗೆ ಕೌನ್ಸಿಲಿಂಗ್ ಅಗತ್ಯವಿದೆ. ಖಂಡಿತವಾಗಿ ಅದಕ್ಕೆ ಬೇಕಾದ ವ್ಯವಸ್ಥೆ ಮಾಡುತ್ತೇನೆ. ಹುಡುಗಿಯರು ಆದಷ್ಟು ಜಾಗೃತರಾಗಿರಿ ಎಂದಿದ್ದಾರೆ.
ಇದನ್ನೂ ಓದಿ: ಒಂದು ಅವಕಾಶ ಕೊಡಿ, ಸುಳ್ಯದ ಇತಿಹಾಸವನ್ನೇ ಬದಲಾಯಿಸುತ್ತೇನೆ: ಡಿ.ಕೆ. ಶಿವಕುಮಾರ್
