ಬೆಳ್ತಂಗಡಿ (ದ.ಕ): ತಾಲೂಕಿನ ಅಂಡಿಂಜೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಸಾವ್ಯ ಗ್ರಾಮದ ಬೀಜದಡಿ ಎಂಬಲ್ಲಿ ಗಾಳಿ-ಮಳೆಗೆ ಕೋಳಿ ಫಾರಂ ಚಾವಣಿ ಶೀಟ್ ಕುಸಿದು ಲಕ್ಷಾಂತರ ರೂಪಾಯಿ ಮೌಲ್ಯದ ನಷ್ಟ ಸಂಭವಿಸಿದೆ.
ಬೀಜದಡಿ ನಿವಾಸಿ ಸಂದೀಪ್ ಪೂಜಾರಿ ಅವರ ಕೋಳಿ ಫಾರಂ ಘಟಕದಲ್ಲಿ ಸುಮಾರು 3,800 ಕೋಳಿಗಳಿದ್ದವು. ಮಧ್ಯಾಹ್ನದ ಗಾಳಿಗೆ ಕಲ್ಲಿನ ಕಂಬಗಳು ಕುಸಿದಿದ್ದು, ಚಾವಣಿ ಶೀಟ್ ಅಡಿ ನೂರಾರು ಕೋಳಿಗಳು ಮೃತಪಟ್ಟಿವೆ.
ಬೀಜದಡಿಯಲ್ಲಿ ಗಾಳಿ- ಮಳೆಗೆ ಕುಸಿದ ಕೋಳಿ ಫಾರಂ
ಆರು ವರ್ಷಗಳಿಂದ ಕೋಳಿ ಫಾರಂ ನಡೆಸುತ್ತಿದ್ದೇನೆ. ಕಟ್ಟಡದ ಕಾಲಂ ಕುಸಿದು 10 ಲಕ್ಷ ರೂ.ಗೂ ಅಧಿಕ ನಷ್ಟ ಸಂಭವಿಸಿದೆ. ನನ್ನ ಜೀವನಕ್ಕೆ ಆಧಾರ ಆಗಿದ್ದ ಕೋಳಿ ಫಾರಂ ಧರೆಗುರುಳಿದೆ. ಸರ್ಕಾರದ ನೆರವು ನೀಡಬೇಕು ಎಂದು ಎಂದು ಸಂದೀಪ್ ಪೂಜಾರಿ ಮನವಿ ಮಾಡಿದ್ದಾರೆ.
