ಮಂಗಳೂರು: ದೂರ ದೂರ ಬೈಕ್ ರೈಡ್ ಮಾಡುತ್ತಾ ಹೋಗುವ ನಾವು ಎಲ್ಲಾ ಕಡೆಗಳಲ್ಲಿ ನೋಡುತ್ತಿರುತ್ತೇವೆ. ಆದರೆ ನಾಲ್ವರು ಯುವತಿಯರೇ ಮಂಗಳೂರಿನಿಂದ ಕಚ್ಗೆ ಸುಮಾರು 3,600 ಕಿ.ಮೀ. ದೂರ ಬೈಕ್ ರೈಡ್ ಮಾಡಲಿದ್ದಾರೆ. ಮಹಿಳಾ ಸಬಲೀಕರಣದ ಉದ್ದೇಶದಿಂದ "Ride To Run of Kutch" ಗೆ ರೈಡ್ ಮಾಡಲಿದ್ದಾರೆ.
ನಿನ್ನೆ ಸಂಜೆ 4.30 ಹೊತ್ತಿಗೆ ಮಂಗಳೂರಿನ ಸರ್ಕ್ಯೂಟ್ ಹೌಸ್ನಿಂದ ಪ್ರಯಾಣ ಬೆಳೆಸಿದ ನಾಲ್ವರು ಯುವತಿಯರು 11 ದಿವಸಗಳ ಪ್ರಯಾಣ ಮುಗಿಸಿ ಮಂಗಳೂರಿಗೆ ಮರಳಲಿದ್ದಾರೆ. ಕಚ್ನಲ್ಲಿ ನಡೆಯುವ ರನ್ ಉತ್ಸವದ ನಿಮಿತ್ತ ಈ ಪ್ರಯಾಣ ಬೆಳೆಸಿದ್ದಾರಂತೆ.
ಸಾಫ್ಟ್‌ವೇರ್ ಇಂಜಿನಿಯರ್ಗಳಾದ ಕೃತಿ ಉಚ್ಚಿಲ್, ಅಪೂರ್ವ, ಮಂಗಳೂರಿನ ದೇವಿಕಾ ಸಾರೀಸ್ ಟೆಕ್ಸ್ ಟೈಲ್ ಮಾಲಕಿ ಪೂಜಾ ಜೈನ್, ಮೆಡಿಕಲ್ ರೆಪ್ ದಿವ್ಯಾ ಪೂಜಾರಿ ಕಚ್ಗೆ ಪ್ರಯಾಣ ಬೆಳೆಸಿದ ನಾಲ್ವರು ಯುವತಿಯರು. ಇವರಲ್ಲಿ ಅಪೂರ್ವ ಹಾಗೂ ಪೂಜಾ ಜೈನ್ ವಿವಾಹಿತರು. ಅಪೂರ್ವರಿಗೆ ಆರು ವರ್ಷದ ಮಗಳಿದ್ದಾರಂತೆ.
ಓದಿ: ರಾಜಸ್ಥಾನದಲ್ಲಿ ವಾಯುಪಡೆ ಫೈಟರ್ ಜೆಟ್ ಮಿಗ್ -21 ಪತನ, ವಿಂಗ್ ಕಮಾಂಡರ್ ಮೃತ
ದಿನಕ್ಕೆ 500-600 ಕಿ.ಮೀ. ರೈಡ್ ಮಾಡುವ ಉದ್ದೇಶವನ್ನು ಹೊಂದಿರುವ ಬೈಕ್ ರೈಡರ್ಸ್ ಯುವತಿಯರು ಡಿ.29ರಂದು ಕಚ್ ಅನ್ನು ತಲುಪಲಿದ್ದಾರೆ. ಅಲ್ಲಿ ಒಂದು ದಿನವಿದ್ದು, ಮರುದಿನ ಮತ್ತೆ ಮಂಗಳೂರು ಕಡೆಗೆ ಪ್ರಯಾಣ ಬೆಳೆಸುತ್ತಾರಂತೆ.
ಮಂಗಳೂರು ಬೈಕರ್ನಿ ತಂಡ ಕಟ್ಟಿಕೊಂಡಿರುವ ಈ ಯುವತಿಯರು ಈಗಾಗಲೇ ರಾಮೇಶ್ವರ, ಕನ್ಯಾಕುಮಾರಿ, ಕೊಡೈಕೆನಾಲ್, ಊಟಿ ಮತ್ತಿತರರ ಕಡೆಗೆ ಬೈಕ್ ರೈಡ್ ಮಾಡಿದ್ದರಂತೆ. ಈ ಎಲ್ಲರೂ ಪರಸ್ಪರ ಬೈಕ್ ರೈಡ್ ಮಾಡಲು ಆರಂಭಿಸಿದ ಬಳಿಕವೇ ಪರಿಚಯವಾದವರಂತೆ. ಅದರಲ್ಲೂ ಅಪೂರ್ವ ಬೈಕ್ ರೈಡ್ ಮಾಡುತ್ತಿದ್ದರೂ ಇಷ್ಟೊಂದು ದೂರ ಮೊದಲ ಬಾರಿ ಬೈಕ್ ರೈಡ್ ಮಾಡುತ್ತಿದ್ದಾರಂತೆ. ಅದಕ್ಕಾಗಿಯೇ 2 ತಿಂಗಳ ಹಿಂದೆ ಬೈಕ್ ಖರೀದಿಸಿ ಪ್ರಾಕ್ಟೀಸ್ ಮಾಡಿದ್ದಾರಂತೆ. ತಮ್ಮ ಈ ಕಾರ್ಯಕ್ಕೆ ಮನೆಯವರ ಸಹಕಾರವೂ ಇದೆ ಎಂದು ಬೈಕ್ ರೈಡರ್ಸ್ ಯುವತಿಯರು ಹೇಳುತ್ತಾರೆ.
