ಲಾರಿ ಯಮನಂತೆ ಎದುರು ಬಂದಿತ್ತು.. ಯಾಮಾರಿದ್ರೇ 40 ಮಂದಿ ಕಥೆ ಅಷ್ಟೇ.. ಬಸ್‌ ಚಾಲಕ ಜಾಣ್ಮೆ ಮೆರೆದ..

ಓವರ್​ ಟೇಕ್​ ಮಾಡಿಕೊಂಡು ಬಂದ ಟ್ಯಾಂಕರ್​ ಲಾರಿಯೂ ಬಸ್​​ಗೆ ಡಿಕ್ಕಿ ಹೊಡೆಯಲು ಬಂದಾಗ, ಚಾಲಕ ಬಸ್​​ನ ರಸ್ತೆಯಿಂದ ಕೆಳಗಿಳಿಸಿ ಭಾರಿ ದುರಂತ ತಪ್ಪಿಸಿದ್ದಾನೆ.

ಮಂಗಳೂರು: ಟ್ಯಾಂಕರ್‌ ಲಾರಿಯೊಂದು ಅತೀ ವೇಗವಾಗಿ ಬಂದು ಓವರ್ ಟೇಕ್ ಮಾಡಿದಾಗ, ಡಿಕ್ಕಿ ತಪ್ಪಿಸಲು ಹೋದ ಕೆಎಸ್ಆರ್​​​ಟಿಸಿ ಬಸ್ ಚಾಲಕ ಬಸ್​​ನ ರಸ್ತೆಯಿಂದ ಕೆಳಗಿಳಿಸಿ ಭಾರಿ ದುರಂತ ತಪ್ಪಿಸಿದ್ದಾನೆ.

ಬಸ್ ಪಕ್ಕಕ್ಕೆ ವಾಲಿಕೊಂಡ ಪರಿಣಾಮ ಬಸ್​​ನಲ್ಲಿದ್ದ ಪ್ರಯಾಣಿಕರು ಎಮರ್ಜೆನ್ಸಿ ಬಾಗಿಲು‌ ಮತ್ತು ಚಾಲಕನ ಬಾಗಿಲಿನಿಂದ ಹೊರ ಬಂದರು. ಘಟನೆಯಲ್ಲಿ ‌ಬಸ್ ನಿರ್ವಾಹಕನಿಗೆ ಸಣ್ಣಪುಟ್ಟ ಗಾಯವಾಗಿದೆ.

ಕುಕ್ಕೆ ಸುಬ್ರಹ್ಮಣ್ಯದಿಂದ ಮಂಗಳೂರಿಗೆ ಬರುತ್ತಿದ್ದ ಬಸ್​​ಗೆ ಮಾಣಿಯಲ್ಲಿ ಟ್ಯಾಂಕರ್ ಲಾರಿಯೊಂದು ಎದುರಿಗಿರುವ ವಾಹನವೊಂದನ್ನು ಓವರ್ ಟೇಕ್ ಮಾಡಿ, ಡಿಕ್ಕಿ ಹೊಡೆಯುವ ಸಾಧ್ಯತೆಯಿತ್ತು.

ಇದನ್ನ ಕಂಡು ತಕ್ಷಣವೇ ಎಚ್ಚೆತ್ತ ಕೆಎಸ್ಆರ್​ಟಿಸಿ ಬಸ್ ಚಾಲಕ ಬಸ್‌ನ ರಸ್ತೆಯಿಂದ ಪಕ್ಕಕ್ಕೆ ಇಳಿಸಿದ್ದಾನೆ. ಬಸ್ ಪಕ್ಕಕ್ಕೆ ವಾಲಿಕೊಂಡ ಪರಿಣಾಮ ಬಸ್​​​ನಲ್ಲಿದ್ದ 40 ಪ್ರಯಾಣಿಕರು ತುರ್ತು ನಿರ್ಗಮನ ಮತ್ತು ಚಾಲಕನ ಬಾಗಿಲಿನಿಂದ ಹೊರಗಿಳಿದು ಬಂದಿದ್ದಾರೆ. ಈ ಘಟನೆ ವಿಟ್ಲ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.