ಮಂಗಳೂರು: ಕೊರೊನಾ ವಾರಿಯರ್ಸ್ ವೈದ್ಯ ದಂಪತಿ ಕೆಲಸ ನಿರ್ವಹಿಸುತ್ತಿದ್ದು, ತಮ್ಮಿಂದ ದೂರವಿರುವ ಮಗುವನ್ನು ನೋಡಲು ಸಾಧ್ಯವಾಗದೆ ವಿಡಿಯೋ ಕಾಲ್ನಲ್ಲೇ ಮಗುವನ್ನು ನೋಡಿ ಸಂತಸ ಪಡುತ್ತಿದ್ದಾರೆ.
ದಾವಣಗೆರೆಯ ವೈದ್ಯ ದಂಪತಿ ಡಾ. ಗಿರೀಶ್ ಮತ್ತು ತಾಯಿ ಡಾ.ಅರುಣಾ ಎಂಬುವವರಿಗೆ ಮದುವೆಯಾಗಿ 10 ವರ್ಷದ ಬಳಿಕ ಮಗು ಜನಿಸಿತ್ತು. ಅದಕ್ಕೆ ಚಿನ್ಮಯ್ ಎಂದು ಹೆಸರಿಟ್ಟು ಅದರೊಂದಿಗೆ ಸಂತೋಷದ ಜೀವನ ನಡೆಸುತ್ತಿದ್ದರು. ಕೊರೊನಾ ಸೋಂಕು ಹರಡಲು ಹೆಚ್ಚಾಗುತ್ತಿದ್ದಂತೆ ಮಗುವನ್ನು ಅಕ್ಕನ ಮನೆಯಲ್ಲಿ ಬಿಟ್ಟು ದಾವಣಗೆರೆಯಲ್ಲಿ ಕೊರೊನಾ ವಾರಿಯರ್ಸ್ ಆಗಿ ಸೇವೆ ಸಲ್ಲಿಸಲು ಮುಂದಾಗಿದ್ದಾರೆ.
ಅಂದಿನಿಂದ ಇಂದಿನವರೆಗೂ ಮಗುವಿಗೆ ಅಪ್ಪ-ಅಮ್ಮನ ನೋಡುವ ಭಾಗ್ಯ ಸಾಧ್ಯವಾಗಿಲ್ಲ. ವೈದ್ಯ ದಂಪತಿ ತಮ್ಮ ಬಿಡುವಿನ ಸಮಯದಲ್ಲಿ ವಿಡಿಯೋ ಕಾಲ್ ಮಾಡಿ ಮಗುವಿನ ಜೊತೆ ಮುದ್ದಾಟ ಮಾಡಿ ಅದರ ಆಟೋಟಗಳನ್ನು ನೋಡಿ ಸಂತಸ ಪಡುತ್ತಿದ್ದಾರೆ. ಇದರಲ್ಲೇ ತೃಪ್ತಿ ಪಡುತ್ತಿದ್ದಾರೆ.
ಇತ್ತ ಮಗು ಚಿನ್ಮಯ್ ದೊಡ್ಡಮ್ಮನ ಮನೆಯಲ್ಲಿ ಆಟವಾಡುತ್ತಾ ಕಾಲ ಕಳೆಯುತ್ತಿದ್ದು, ತಂದೆ -ತಾಯಿ ನೆನಪು ಬಂದರೂ ಮಗುವಿಗೆ ಅವರನ್ನು ವಿಡಿಯೋ ಕಾಲ್ನಲ್ಲೇ ನೋಡುವ ಭಾಗ್ಯ ಮಾತ್ರ ಇದೆ. ವಿಡಿಯೋ ಕಾಲ್ ಮೂಲಕ ಮಗುವಿನ ಆಟ ನೋಡಿ ತಂದೆತಾಯಿ ಖುಷಿ ಪಡುತ್ತಾರೆ. ಮಗು ಕೂಡ ತಂದೆ ತಾಯಿಯನ್ನು ವಿಡಿಯೋ ಕಾಲ್ನಲ್ಲಿ ನೋಡಿ ಸಂತಸ ಪಡುತ್ತದೆ.
ವಿಡಿಯೋ ಕರೆ ಮುಗಿದ ಬಳಿಕ ಮಗು ತಂದೆ-ತಾಯಿಯನ್ನು ನೋಡಲು ಮತ್ತೆ ಮತ್ತೆ ಹಾತೊರೆಯುತ್ತದೆ. ಕೊರೊನಾ ಮಹಾಮಾರಿ ಬಂದ ನಂತರ ಸಾಕಷ್ಟು ಜನ ಬೇರೆ ಬೇರೆ ರೀತಿಯ ಸಮಸ್ಯೆಗೊಳಗಾಗಿದ್ದಾರೆ. ಆದರೆ ತಂದೆ-ತಾಯಿ ಕರ್ತವ್ಯದ ಕರೆಯಿಂದ ಈ ಪುಟ್ಟ ಮಗು ಅಪ್ಪ- ಅಮ್ಮನ ಜೊತೆಗಿರುವ ಸಂತಸದ ಕ್ಷಣವನ್ನು ಕಳೆದುಕೊಂಡಿದೆ.
