ಮಂಗಳೂರು : ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿಯು ಇತ್ತೀಚೆಗಷ್ಟೆ ಆರಂಭಿಸಿದ್ದ ಇಂಗ್ಲಿಷ್ ಲಿಪಿಯಿಂದ ಬ್ಯಾರಿ ಭಾಷೆಯ ಲಿಪಿಗೆ ಲಿಪ್ಯಾಂತರ ಮಾಡುವ ವೆಬ್‌ಸೈಟನ್ನು ಹ್ಯಾಕ್ ಮಾಡಲಾಗಿದೆ.
ವೆಬ್ಸೈಟ್ ಜುಲೈ 7ರಂದು ಲೋಕಾರ್ಪಣೆಗೊಂಡಿದೆ. ಇದರಲ್ಲಿ ಇಂಗ್ಲಿಷ್ ಲಿಪಿಯಲ್ಲಿ ಟೈಪ್ ಮಾಡಿದರೆ ಅದು ಬ್ಯಾರಿ ಭಾಷೆಗೆ ಅನುವಾದವಾಗುವ ತಂತ್ರಾಂಶವನ್ನಾಗಿ ಅಭಿವೃದ್ದಿಪಡಿಸಲಾಗಿತ್ತು.
ಜುಲೈ 14ರಂದು ಮೊದಲ ಬಾರಿಗೆ ಈ ವೆಬ್‌ಸೈಟನ್ನು ಹ್ಯಾಕ್ ಮಾಡಲಾಗಿತ್ತು. ಆ ಸಂದರ್ಭದಲ್ಲಿ ಸೈಟ್ನ್ನು ತೆರೆದಾಗ ಅಶ್ಲೀಲ ಚಿತ್ರಗಳು ಕಂಡು ಬರುತ್ತಿತ್ತು. ಅಲ್ಲದೇ ಅದರಲ್ಲಿ HACKED BY MR.7 MIND ಎಂದು ಬರೆಯಲಾಗಿತ್ತು.
ನಂತರ ಇದರ ಪಾಸ್ವರ್ಡ್ ಬದಲಿಸಿ ಸರಿಪಡಿಸಲಾಗಿತ್ತು. ಇದೀಗ 2ನೇ ಬಾರಿಗೆ ಹ್ಯಾಕ್ ಮಾಡಲಾಗಿದೆ. ಈ ಹಿನ್ನೆಲೆ ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ರಹೀಂ ಉಚ್ಚಿಲ್ ಅವರು ಮಂಗಳೂರು ಸೈಬರ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
ಓದಿ: ಸಿಎಂ ಅವರೇ ಸ್ಪಷ್ಟಪಡಿಸಿದ್ದಾರೆ, ನಾನು ಹೇಳುವುದೇನಿದೆ: ಸಚಿವ ಸುರೇಶ್ ಕುಮಾರ್ ಪ್ರಶ್ನೆ
