ಹಸು ಕದ್ದು ಗೋಮಾಂಸ ಮಾರಾಟ ಆರೋಪ : ಮಂಗಳೂರಲ್ಲಿ ಇಬ್ಬರ ಬಂಧನ

ಮಂಗಳೂರಿನ ಅಡ್ಡೂರಿನಲ್ಲಿ ಇಬ್ಬರು ಆರೋಪಿಗಳು ಹಸುವನ್ನು ಕಳ್ಳತನ ಮಾಡಿ ಗೋಮಾಂಸವನ್ನು ಅಕ್ರಮವಾಗಿ ಮಾರಾಟ ಮಾಡುತ್ತಿದ್ದರು ಎಂಬ ಆರೋಪ ಕೇಳಿಬಂದಿದೆ. ಈ ಕುರಿತಂತೆ ಮಾಹಿತಿ ಪಡೆದ ಪೊಲೀಸರು ಅವರನ್ನು ಬಂಧಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಮಂಗಳೂರು: ಹಸುವನ್ನು ಕಳ್ಳತನ ಮಾಡಿ ಅಕ್ರಮವಾಗಿ ಗೋಮಾಂಸ ಮಾರಾಟ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಮಂಗಳೂರಿನ ಬಜಪೆ ಪೊಲೀಸರು ಬಂಧಿಸಿದ್ದಾರೆ.

ಅಡ್ಡೂರು ಗ್ರಾಮದ ಪಾಂಡೇಲು ಗದ್ದೆಯ ಅಬ್ದುಲ್ ಮಜೀದ್ (35) ಮತ್ತು ಪಿ.ಮುಸ್ತಾಫ (30) ಬಂಧಿತರು. ಇವರು ಅಡ್ಡೂರಿನಲ್ಲಿ ಹಸುವನ್ನು ಕಳವು ಮಾಡಿಕೊಂಡು ಬಂದು ಅಕ್ರಮವಾಗಿ ಗೋಮಾಂಸವನ್ನು ಮಾರಾಟ ಮಾಡುತ್ತಿದ್ದರು. ಈ ಕುರಿತಂತೆ ಮಾಹಿತಿ ಪಡೆದ ಬಜಪೆ ಪೊಲೀಸರು ದಾಳಿ ನಡೆಸಿದ್ದಾರೆ.

ಬಂಧಿತರಿಂದ ಸುಮಾರು 164 ಕೆಜಿ ಗೋಮಾಂಸ, ಚೂರಿ, ‌ಕತ್ತಿ, ಇಲೆಕ್ಟ್ರಿಕ್ ತಕ್ಕಡಿಯನ್ನು ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.