ಮಂಗಳೂರಲ್ಲಿ ಮಳೆ... ಭಾರೀ ಗಾಳಿಗೆ ಧರೆಗುರುಳಿದ ಬೃಹತ್​​​ ಆಲದ ಮರ

ಬೇಸಿಗೆಯ ಬಿಸಿಲಿಗೆ ಕಾದಿದ್ದ ಧರೆಗೆ ನಿನ್ನೆ ಸಂಜೆ ಮಳೆರಾಯ ತಂಪೆರೆದಿದ್ದಾನೆ. ಅದರ ಜೊತೆಗೆ ಅನಾಹುತಗಳನ್ನೂ ತಂದಿಟ್ಟಿದ್ದಾನೆ. ಮಂಗಳೂರು ನಗರದಲ್ಲಿ ಸುರಿದ ಗಾಳಿ ಮಳೆಗೆ ಬೃಹತ್​ ಮರವೊಂದು ಧರೆಗುರುಳಿದೆ.

ಮಂಗಳೂರು: ಬೇಸಿಗೆ ಬೇಗೆಗೆ ಬೆಂದಿದ್ದ ಧರೆಗೆ ಮಳೆರಾಯ ನಿನ್ನೆ ತಂಪೆರೆದಿದ್ದಾನೆ. ನಗರದಲ್ಲಿ ನಿನ್ನೆ ಸಂಜೆ ಮಳೆ ಸುರಿದಿದೆ. ಭಾರೀ ಗಾಳಿ ಮಳೆ ಸುರಿದ ಪರಿಣಾಮ ಆಲದ ಮರವೊಂದು ಧರೆಗುರುಳಿದೆ.

ಮಂಗಳೂರು ನಗರದ ಬಿಜೈನ ನಾಗಬನದ ಬಳಿಯಲ್ಲಿರುವ ಈ ಮರ ಸಂಜೆ ಸುರಿದ ಗಾಳಿ ಮಳೆಗೆ ಧರೆಗುರುಳಿದ್ದು, ಮನೆಯೊಂದಕ್ಕೆ ತಾಗಿ‌ದೆ. ಆದರೆ ಮರ ಬಿದ್ದಿತಾದರೂ ಮನೆಗೆ ಹಾನಿಯಾಗಿಲ್ಲ. ಇನ್ನು ಮರ ವಿದ್ಯುತ್ ಕಂಬದ ಮೇಲೆಯೂ ಬಿದ್ದ ಪರಿಣಾಮ ಆ ಪ್ರದೇಶದಲ್ಲಿ ವಿದ್ಯುತ್ ಸಂಪರ್ಕ ಕಡಿತಗೊಂಡಿತ್ತು.