ಚಿತ್ರದುರ್ಗ: ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅಭಿನಯದ ಬಹು ನೀರಿಕ್ಷಿತ ಸಿನಿಮಾ 'ಯುವರತ್ನ' ಇಂದು ರಾಜ್ಯಾದ್ಯಂತ ತೆರೆಕಂಡಿದೆ. ಕೋಟೆನಾಡಿನ ಬಸವೇಶ್ವರ, ಪ್ರಸನ್ನ ಸೇರಿದಂತೆ ಚಳ್ಳಕೆರೆ ನಗರದ ರಾಮಕೃಷ್ಣ ಟಾಕೀಸ್ನಲ್ಲಿ ಸಿನಿಮಾ ರಿಲೀಸ್ ಆಗಿದೆ.
'ಯುವರತ್ನ' ಸಿನಿಮಾ ಬಿಡುಗಡೆ
ಚಿತ್ರದುರ್ಗದಲ್ಲಿ ಅಪ್ಪು ಅಭಿಮಾನಿಗಳು ಕೋವಿಡ್ ಹಿನ್ನೆಲೆ ಸಿನಿಪ್ರಿಯರಿಗೆ ಮಾಸ್ಕ್‌ ವಿತರಿಸಿ, ಕೋವಿಡ್ ನಿಯಮ ಪಾಲಿಸುವಂತೆ ಮನವಿ ಮಾಡಿಕೊಂಡರು. ಒಂದು ದಿನದ ಮುಂಚೆಯೇ ಟಿಕೆಟ್ ಸೋಲ್ಡ್ ಔಟ್ ಆಗಿದ್ದು, ಪ್ರೇಕ್ಷಕರ ಒತ್ತಾಯದ ಮೇರೆಗೆ ಬೆಳಗಿನ ಜಾವ 5.30ಕ್ಕೆ ಸಿನಿಮಾ ಆರಂಭವಾಯಿತು.
ಓದಿ:ತಲೈವಾ ರಜಿನಿಕಾಂತ್ಗೆ ಒಲಿದ 51ನೇ ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿ
ಪವರ್ ಸ್ಟಾರ್ ಅಭಿಮಾನಿಗಳು ಪಟಾಕಿ ಹೊಡೆದು ಸಂಭ್ರಮಾಚರಣೆ ಮಾಡಿದರು. ಅಪ್ಪು ಕಟೌಟ್ಗಳಿಗೆ ವಿಶೇಷವಾದ ನಿಂಬೆಹಣ್ಣಿನ, ಹೂವಿನ ಹಾರ ಹಾಕಿ, ಕಟೌಟ್ಗೆ ಹಾಲಿನ ಅಭಿಷೇಕ ಮಾಡಿ ಕರ್ಪೂರದ ಆರತಿ ಬೆಳಗಿದರು. ಅಲ್ಲದೇ 100 ದಿನದ ಸಂಭ್ರಮಾಚರಣೆ ಮಾಡಲಿ ಎಂದು ಅಭಿಮಾನಿಗಳು ಹಾರೈಸಿದರು.
