ಕೋಟೆನಾಡಲ್ಲಿ ಹಾಡುಹಗಲೇ ಕಾರ್​ ಗ್ಲಾಸ್​ ಒಡೆದು 6 ಲಕ್ಷ ದೋಚಿದ ಖದೀಮರು

ಚಿತ್ರದುರ್ಗದಲ್ಲಿ ಕಳ್ಳರು ಇನೋವಾ ಕಾರಿನ ಗ್ಲಾಸ್​ ಒಡೆದು 6 ಲಕ್ಷ ರೂ ದೋಚಿ ಪರಾರಿಯಾಗಿರುವ ಘಟನೆ ಜರುಗಿದೆ.

ಚಿತ್ರದುರ್ಗ: ಹಗಲಲ್ಲೇ ಕಳ್ಳರು ಇನೋವಾ ಕಾರಿನ ಗ್ಲಾಸ್​ ಒಡೆದು 6 ಲಕ್ಷ ರೂ ದೋಚಿ ಪರಾರಿಯಾಗಿರುವ ಘಟನೆ ನಗರದ ಕಾರ್ಪೋರೇಷನ್ ಬ್ಯಾಂಕ್ ಬಳಿ ನಡೆದಿದೆ.

ಗುತ್ತಿಗೆದಾರ ಪ್ರಕಾಶ್​ ಎಂಬುವವರು ಕಾರ್ಪೋರೇಷನ್ ಬ್ಯಾಂಕಿನಿಂದ ಹಣ ಬಿಡಿಸಿಕೊಂಡು ಕಾರಿನಲ್ಲಿಟ್ಟು ಬಳಿಕ ಮತ್ತೆ ಬ್ಯಾಂಕ್​ ಒಳಗೆ ತೆರಳಿದಾಗ ಖದೀಮರು ಕಾರಿನ ಗ್ಲಾಸ್​ ಒಡೆದು ಈ ಕೃತ್ಯ ಎಸಗಿದ್ದಾರೆ.

ಘಟನೆ ಸಂಬಂಧ ಕೋಟೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ. ಇನ್ನೂ ಹಣ ಕಳೆದುಕೊಂಡ ಪ್ರಕಾಶ್​ರನ್ನು ಗಮನಿಸಿಯೇ ಕಳ್ಳರು ಈ ಕೃತ್ಯ ಎಸಗಿದ್ದಾರೆ ಎಂಬ ಆರೋಪ ಕೇಳಿಬರುತ್ತಿದೆ.