ಪ್ರಧಾನಿ ಮೋದಿ ಕರೆ...ದೀಪ ಹಚ್ಚಲು ಸಜ್ಜಾದ ಮುಸ್ಲಿಮರು

ಪ್ರಧಾನಿ ಮೋದಿ‌ ದೀಪ‌ ಹಚ್ಚುವಂತೆ ದೇಶದ ಜನರಿಗೆ ಕರೆ‌‌ ನೀಡಿದ ಹಿನ್ನೆಲೆಯಲ್ಲಿ ಕೋಟೆನಾಡು ಚಿತ್ರದುರ್ಗದ ಮುಸ್ಲಿಂ ಬಾಂಧವರು ಸಕಲ ಸಿದ್ಧತೆಯನ್ನು ಮಾಡಿಕೊಂಡಿದ್ದಾರೆ.

ಚಿತ್ರದುರ್ಗ: ಕೊರೊನಾದ ವಿರುದ್ಧದ ಹೋರಾಟದಲ್ಲಿ ಒಗ್ಗಟ್ಟನ್ನು ಪ್ರದರ್ಶಿಸುವ ನಿಟ್ಟಿನಲ್ಲಿ ಪ್ರಧಾನಿ ಮೋದಿ‌ ದೀಪ‌ ಹಚ್ಚುವಂತೆ ದೇಶದ ಜನರಿಗೆ ಕರೆ‌‌ ನೀಡಿದ ಹಿನ್ನೆಲೆಯಲ್ಲಿ ಮುಸ್ಲಿಂ ಬಾಂಧವರಿಂದ ದೀಪ ಹಚ್ಚಲು ಹಣತೆ, ಮೇಣದ ಬತ್ತಿ ಹಚ್ಚಿ‌ ಗೌರವ ಸಲ್ಲಿಕೆಗೆ ಸಿದ್ಧತೆ ನಡೆಸಲಾಗಿದೆ.

ದೀಪ ಹಚ್ಚುವ‌ ಪ್ರಕ್ರಿಯೆಗೆ ಕೋಟೆನಾಡಿನ ಮುಸ್ಲಿಂ ಬಾಂಧವರಿಂದ ಭರದಿಂದ ಸಿದ್ಧತೆ ನಡೆದಿದ್ದು, ಇವರೇ ಹೆಚ್ಚಾಗಿ ವಾಸವಾಗಿರುವ ಕೊತ್ವಾಲ್ ಬಡಾವಣೆಯಲ್ಲಿ ಈಗಾಗಲೇ ದೀಪಗಳನ್ನು ಇರಿಸಿ 9 ಗಂಟೆಯಾಗುವುದನ್ನು ಕಾಯುತ್ತಿದ್ದಾರೆ.

ಕೊತ್ವಾಲ್ ಬಡಾವಣೆಯ ನಿವಾಸಿ ಅಸ್ಲಾಂ ಭಾಷಾ ಅವರ ಮನೆಯ ಮುಂಭಾಗದಲ್ಲಿ ಸಿದ್ಧತೆ ನಡೆಸಲಾಗಿದೆ.