ಬಾರ್​ನಲ್ಲಿ ಕುಸಿದುಬಿದ್ದು ಪ್ರಾಣಬಿಟ್ಟ ವ್ಯಕ್ತಿ... ಕಳಪೆ ಮದ್ಯ ಸೇವಿಸಿ ಸಾವು?

ವ್ಯಕ್ತಿವೋರ್ವ ಬಾರ್​ನಲ್ಲಿ ಮದ್ಯ ಸೇವಿಸುತ್ತಿರುವಾಗಲೇ ಕುಸಿದುಬಿದ್ದು ಸಾವನ್ನಪ್ಪಿರುವ ಘಟನೆ ಚಿತ್ರದುರ್ಗ ಜಿಲ್ಲೆಯ ಮೊಳಕಾಲ್ಮೂರು ತಾಲೂಕಿನ ಬಿಜಿಕೆರೆಯ ಮಾರುತಿ ಬಾರ್ ಆ್ಯಂಡ್​ ರೆಸ್ಟೋರೆಂಟ್​ನಲ್ಲಿ​ ನಡೆದಿದೆ.

ಚಿತ್ರದುರ್ಗ: ವ್ಯಕ್ತಿವೋರ್ವ ಬಾರ್​ನಲ್ಲಿ ಮದ್ಯ ಸೇವಿಸುತ್ತಿದ್ದ ವೇಳೆ ಕುಸಿದು ಬಿದ್ದು ಸಾವನ್ನಪ್ಪಿರುವ ಘಟನೆ ಮೊಳಕಾಲ್ಮೂರು ತಾಲೂಕಿನ ಬಿಜಿಕೆರೆಯ ಬಾರ್ ಆ್ಯಂಡ್​ ರೆಸ್ಟೋರೆಂಟ್​ನಲ್ಲಿ​ ನಡೆದಿದೆ.

ಮೊಳಕಾಲ್ಮೂರು ತಾಲೂಕಿನ ಮುತ್ತಿಗಾರನಹಳ್ಳಿಯ ಪಾಲಯ್ಯ ಮೃತ ವ್ಯಕ್ತಿ. ಬಾರ್​ನಲ್ಲಿ ಕಳಪೆ ಮದ್ಯ ಪೂರೈಕೆ ಆರೋಪ ಕೇಳಿ ಬಂದಿದೆ. ಗುರುವಾರ ಬೆಳಗ್ಗೆ ಪಾಲಯ್ಯ ವ್ಯಕ್ತಿ ಸಾವನ್ನಪ್ಪಿದ್ದು, ರಾತ್ರಿ 9 ಗಂಟೆಯಾದರೂ ಶವ ಮಾತ್ರ ಬಾರ್​ನಲ್ಲೇ ಬಿದ್ದಿತ್ತು ಎನ್ನಲಾಗ್ತಿದೆ.

ವ್ಯಕ್ತಿಯ ಸಾವನ್ನು ಕಂಡು ಆತಂಕಗೊಂಡ ಮಾಲೀಕ ಬಾರ್ ಬಾಗಿಲು ಹಾಕಿಕೊಂಡು ಮನೆಗೆ ತೆರಳಿದ್ದ ಎಂದು ತಿಳಿದುಬಂದಿದೆ. ಸ್ಥಳಕ್ಕೆ ಪೊಲೀಸರು ಬರಲು ವಿಳಂಬ ಮಾಡಿದ್ದಾರೆಂದು ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.