ಕಡೂರು: ವಿದ್ಯುತ್ ಶಾಕ್​ ತಗುಲಿ ಕಂಬದ ಮೇಲೆಯೇ ಲೈನ್​ಮ್ಯಾನ್​ ಸಾವು

ಪವರ್ ಲೈನ್ ಆಫ್ ಮಾಡಿದ್ದಾರೆ ಎಂದು ತಿಳಿದು ಕಂಬ ಏರಿ ವಿದ್ಯುತ್ ಲೈನ್ ಸರಿ ಮಾಡುತ್ತಿದ್ದ ಲೈನ್ ಮ್ಯಾನ್​ವೊಬ್ಬರು ಕರೆಂಟ್ ಶಾಕ್​ ಹೊಡೆದು ಮೃತಪಟ್ಟಿದ್ದಾರೆ.

ಚಿಕ್ಕಮಗಳೂರು: ವಿದ್ಯುತ್ ಶಾಕ್​ ತಗುಲಿ ಲೈನ್ ಮ್ಯಾನ್ ಮೃತಪಟ್ಟಿರುವ ಘಟನೆ ಜಿಲ್ಲೆಯ ಕಡೂರು ತಾಲೂಕಿನ‌ ಮಾದಪುರ ಗ್ರಾಮದ ಸಮೀಪ ನಡೆದಿದೆ.

ಕಲ್ಲೇಶ್ (25) ಮೃತ ವ್ಯಕ್ತಿ. ಪವರ್ ಲೈನ್ ಆಫ್ ಮಾಡಿದ್ದಾರೆ ಎಂದು ಕಂಬ ಏರಿ ವಿದ್ಯುತ್ ಲೈನ್ ಸರಿ ಮಾಡುತ್ತಿದ್ದರು. ಆದರೆ ಏಕಾಏಕಿ ಲೈನ್​​ನಲ್ಲಿ ವಿದ್ಯುತ್ ಬಂದಿರುವುದರಿಂದ ಶಾಕ್​ ಹೊಡೆದು ಮೃತಪಟ್ಟಿದ್ದಾರೆ.

ಓದಿ: ಇಟ್ಟಿಗೆ ಸಾಗಣೆ ಟ್ರ್ಯಾಕ್ಟರ್ ಪಲ್ಟಿ: ಗಾಯಗೊಂಡವರನ್ನು ರಕ್ಷಿಸಿದ ಪೊಲೀಸ್ ಅಧಿಕಾರಿ

ಕಡೂರು ರೂರಲ್ ಸಬ್ ಡಿವಿಜನ್​​ನಲ್ಲಿ ಕಲ್ಲೇಶ್ ಕರ್ತವ್ಯ ನಿರ್ವಹಿಸುತ್ತಿದ್ದರು. ಘಟನೆ ಬಗ್ಗೆ ತಿಳಿದ ಕೂಡಲೇ ತಾಲೂಕಿನ ಯಗಟಿ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ, ಪರಿಶೀಲನೆ ನಡೆಸಿ ಈ ಕುರಿತು ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ.