ಚಿಕ್ಕಮಗಳೂರು: ಮನೆಗೆ ಬಂದು ಭತ್ತ ತಿಂದು ಹೋದ ಒಂಟಿ ಸಲಗ

ರಾತ್ರಿ ವೇಳೆ ಮನೆಯ ಮುಂದೆ ಕಾಡಾನೆ ಬಂದು ಸುಮಾರು ಒಂದು ಗಂಟೆಗೂ ಅಧಿಕ ಕಾಲ ನಿಂತುಕೊಂಡಿದೆ. ಮನೆಯ ಮುಂಭಾಗದಲ್ಲಿ ಇಟ್ಟಿದ್ದ ಭತ್ತದ ಚೀಲವನ್ನು ಎಳೆದು, ಅದನ್ನು ಕಾಲಿನಿಂದ ತುಳಿದು, ಭತ್ತವನ್ನು ತಿಂದು ಹೋಗಿರುವ ಘಟನೆಯ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.

ಚಿಕ್ಕಮಗಳೂರು: ಜಿಲ್ಲೆಯಲ್ಲಿ ದಿನದಿಂದ ದಿನಕ್ಕೆ ಮಲೆನಾಡು ಭಾಗದಲ್ಲಿ ಕಾಡಾನೆಗಳ ಹಾವಳಿ ಹೆಚ್ಚಾಗುತ್ತಿದೆ. ಕಾಡಾನೆಗಳ ಹಾವಳಿಯಿಂದ ಬೇಸತ್ತಿರುವ ರೈತರು ಅರಣ್ಯ ಇಲಾಖೆಯ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುವುದು ಸರ್ವೇ ಸಾಮಾನ್ಯವಾಗಿದೆ.

ರಾತ್ರಿ ವೇಳೆ ಮನೆಯ ಮುಂದೆ ಕಾಡಾನೆ ಬಂದು ಸುಮಾರು ಒಂದು ಗಂಟೆಗೂ ಅಧಿಕ ಕಾಲನಿಂತು ಕೊಂಡಿದೆ. ಮನೆಯ ಮುಂಭಾಗದಲ್ಲಿ ಇಟ್ಟಿದ್ದ ಭತ್ತದ ಚೀಲವನ್ನು ಎಳೆದು, ಅದನ್ನು ಕಾಲಿನಿಂದ ತುಳಿದು, ಭತ್ತವನ್ನು ತಿಂದು ಹೋಗಿರುವ ಘಟನೆಯ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.

ಮನೆಯ ಸದಸ್ಯರು, ಆನೆಯ ಉಪಟಳದ ದೃಶ್ಯಗಳನ್ನು ಸೆರೆ ಹಿಡಿದಿದ್ದಾರೆ. ಈ ರೀತಿ ಮಲೆನಾಡು ಭಾಗದಲ್ಲಿ ಪ್ರತಿ ನಿತ್ಯ ಕಾಡಾನೆಗಳ ಹಾವಳಿ ಹೆಚ್ಚಾಗುತ್ತಿದ್ದು, ಈ ಬಗ್ಗೆ ಸೂಕ್ತ ಕ್ರಮ ಜರುಗಿಸಬೇಕು ಎಂದು ಸಾರ್ವಜನಿಕರು ಆಗ್ರಹಿಸುತ್ತಿದ್ದಾರೆ.