ಚಿಕ್ಕಮಗಳೂರು: ಈತ ಮೋಜಿನ ಕಳ್ಳ. ಒಬ್ಬನ್ನೇ ಹೋಗಿ ಸಲೀಸಾಗಿ ಕೃತ್ಯ ಮಾಡಿ ಬರ್ತಿದ್ದ. ಕದ್ದ ದುಡ್ಡಲ್ಲಿ ಬೆಟ್ಟಿಂಗ್, ಜೂಜೂ ಆಡೋ ಖಯಾಲಿ. ಪರಿಚಿತ ಮಹಿಳೆಯರನ್ನ ಪುಸಲಾಯಿಸಿ ಅವರ ಕೈಯಲ್ಲಿ ಕದ್ದ ಒಡವೆ ಅಡಮಾನವಿಡುತ್ತಿದ್ದ. 35 ಕ್ಕೂ ಹೆಚ್ಚು ಕೇಸ್ ಇರೋ ಈತ ರಾಜ್ಯ ಪೊಲೀಸರಿಗೆ ಮೋಸ್ಟ್ ವಾಂಟೆಡ್ ಲಿಸ್ಟ್ಲ್ಲಿದ್ದ. ಸದ್ಯ ಈ ಚಾಲಾಕಿ ಕಳ್ಳ ಪೊಲೀಸ್ ಬಲೆಗೆ ಬಿದ್ದಿದ್ದಾನೆ.
ಹಾಸನ ಮೂಲಕದ ಸಂತೋಷ್ (30) ಬಂಧಿತ ಆರೋಪಿ. ಚಿಕ್ಕಮಗಳೂರು 6, ಮಂಡ್ಯ 2, ಹಾಸನ-ತುಮಕೂರು - ಮೈಸೂರಲ್ಲಿ ತಲಾ ಒಂದು ಕೇಸಲ್ಲಿ ಪೊಲೀಸರಿಗೆ ಬೇಕಾಗಿದ್ದ. ರಾಮನಗರದಲ್ಲಿ 18 ಕೇಸ್ ಮುಗಿಸಿ 2021ರ ಸೆಪ್ಟಂಬರ್ನಲ್ಲಷ್ಟೇ ಜೈಲಿನಿಂದ ಬಂದಿದ್ದ ಈತನ ಮೇಲೆ 35ಕ್ಕೂ ಹೆಚ್ಚು ಕೇಸ್‍ಗಳಿವೆ. ಕದ್ದ ಹಣದಲ್ಲೇ ಹಾಸನದಲ್ಲಿ ಒಂದೊಳ್ಳೆ ಮನೆ ಕೂಡ ಕಟ್ಟಿದ್ದಾನೆ. ಕದ್ದು ಜೂಜು, ಬೆಟ್ಟಿಂಗ್ ಆಡ್ತಿದ್ದ. ಹಣ ಖಾಲಿಯಾದ ಬಳಿಕ ಮತ್ತೊಂದು ರೌಂಡ್.
ಹೀಗೆ ಅರ್ಧ ಕರ್ನಾಟಕದಲ್ಲಿ ಬೀಗ ಹಾಕಿರೋ ಮನೆಗಳನ್ನ ಕದ್ದಿದ್ದನಂತೆ. ಚಿಕ್ಕಮಗಳೂರಿನ ದಂಟರಮಕ್ಕಿ-ಮೂಗ್ತಿಹಳ್ಳಿಯಲ್ಲಿ ಕಳೆದ ತಿಂಗಳು ಕಳ್ಳತನವಾಗಿತ್ತು. ಎರಡೂ ಕಳ್ಳತನ ಶೈಲಿ ಒಂದೇ ರೀತಿಯಲ್ಲಿತ್ತು. ಪೊಲೀಸರು ಫಿಂಗರ್ ಪ್ರಿಂಟ್ ಆಧಾರದ ಮೇಲೆ ಇವನ ಟ್ರಾಕ್ ರೆಕಾರ್ಡ್ ಬೆನ್ನತ್ತಿ ಖೆಡ್ಡಾಗೆ ಕೆಡವಿದ್ದಾರೆ. ಜೊತೆಗೆ ಆತನಿಂದ ನಗದು ಸೇರಿ 52 ಲಕ್ಷಕ್ಕೂ ಅಧಿಕ ಮೌಲ್ಯದ ಚಿನ್ನಾಭರಣ ವಶಕ್ಕೆ ಪಡೆದಿದ್ದಾರೆ.
ಹಗಲು ದರೋಡೆ: ಈತ ನೈಟ್ ಕಳ್ಳನಲ್ಲ. ಹಗಲು ವೇಳೆ ಕನ್ನ ಹಾಕ್ತಿದ್ದನಂತೆ. ಬೈಕ್ನಲ್ಲಿ ಸುಮ್ಮನೇ ಓಡಾಡ್ತಾ ಬೀಗ ಹಾಕಿದ ಮನೆ ಕಂಡರೆ ಸ್ಕೆಚ್ ಹಾಕಿ ಕೆಲಸ ಮುಗಿಸುತ್ತಿದ್ದನಂತೆ. ಇದೀಗ ಕಾಫಿನಾಡ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದು ಸ್ಕೆಚ್ ಹಾಕಿ ಡೋರ್ ಮುರಿಯೋ ಕೈಗೆ ಕೋಳ ಹಾಕಿ ಕೂರಿಸಿದ್ದಾರೆ.
ಪೊಲೀಸರಿಗೆ ಶಾಕ್: ಪ್ರಕರಣದ ಬೆನ್ನಟ್ಟಿದ್ದ ಕಾಫಿನಾಡ ಪೊಲೀಸರಿಗೆ ಈತನ ಕೃತ್ಯ ಕೇಳಿ ದಂಗಾಗಿದ್ದಾರೆ. ಒಂದು ಕೇಸ್ ಬಗ್ಗೆ ವಿಚಾರಿಸುತ್ತಿದ್ದರೆ ಮತ್ತೊಂದು ಕೇಸ್ ಬಹಿರಂಗಪಡಿಸುತ್ತಿದ್ದನಂತೆ. ಹೀಗೆ ಐದು ಜಿಲ್ಲೆಯ 11 ಕೇಸ್‍ಗಳಲ್ಲಿ ಈತನ ಕೈಚಳಕವಿದೆ. ಕದ್ದ ಒಡವೆಗಳನ್ನ ತನಗೆ ಪರಿಚಯ ಇರುವ ಹೆಂಗಸರ ಮೂಲಕ ಅಡ ಇಡುತ್ತಿದ್ದನಂತೆ. ನಾನು ಗ್ಯಾಂಬ್ಲಿಂಗ್ ಆಡ್ತೀನಿ. ಸೋತವನು ದುಡ್ಡಿಲ್ಲ ಅಂತ ಒಡವೆ ಕೊಟ್ಟ ಎಂದು ಮಹಿಳೆಯರ ದಾರಿ ತಪ್ಪಿಸುತ್ತಿದ್ದನಂತೆ. ಕ್ರಿಕೆಟ್ ಬೆಟ್ಟಿಂಗ್ಗೆ ಲಕ್ಷ ಲಕ್ಷ ಹಾಕ್ತಿದ್ದನಂತೆ.
(ಇದನ್ನೂ ಓದಿ: ನಿರ್ಬಂಧದ ವಿರುದ್ಧ ಪ್ರತಿತಂತ್ರ ಬಳಸಿದ ರಷ್ಯಾದಿಂದ ರಫ್ತು ಬ್ಯಾನ್!)
