ಸುಧಾಕರ್ ಡೋಂಗಿ, ಲೂಟಿಕೋರ, ನಯವಂಚಕ: ಸಿದ್ದರಾಮಯ್ಯ ವಾಗ್ದಾಳಿ

ಇಂದು ಚಿಕ್ಕಬಳ್ಳಾಪುರ ಕ್ಷೇತ್ರದಲ್ಲಿ ಮತಯಾಚನೆ ನಡೆಸಿದ ವಿಪಕ್ಷ ನಾಯಕ ಸಿದ್ದರಾಮಯ್ಯ, ಸಿಎಂ ಯಡಿಯೂರಪ್ಪ ಹಾಗೂ ಅನರ್ಹ ಶಾಸಕ ಸುಧಾಕರ್ ವಿರುದ್ಧ ಕಿಡಿಕಾರಿದ್ದಾರೆ.

ಚಿಕ್ಕಬಳ್ಳಾಪುರ: ವಿಪಕ್ಷ ನಾಯಕ ಸಿದ್ದರಾಮಯ್ಯ ಇಂದು ಚಿಕ್ಕಬಳ್ಳಾಪುರ ಕ್ಷೇತ್ರದಲ್ಲಿ ತೆರೆದ ವಾಹನದ ಮೂಲಕ ಕಾಂಗ್ರೆಸ್​ ಅಭ್ಯರ್ಥಿ ಪರ ಮತಯಾಚನೆ ಮಾಡಿದ್ರು.

ಎಲ್ಲಾ ಪಕ್ಷಗಳಿಗೂ ನಾನು ಸುಧಾಕರ್ ಸೋಲಿಸುವಂತೆ ಮನವಿ ಮಾಡುತ್ತಿದ್ದೇವೆ. ಯಡಿಯೂರಪ್ಪ ಹಿಂಬಾಗಿಲಿನಿಂದ ಬಂದು ಸರ್ಕಾರ ರಚಿಸಿದ್ದಾರೆ. ಅವರಿಗೆ ಯಾವ ನೈತಿಕತೆ ಇದೆ.18 ಜನ ಶಾಸಕರನ್ನು 25-30 ಕೋಟಿ ಕೊಟ್ಟು ವ್ಯಾಪಾರ ಮಾಡಿ ಅಧಿಕಾರ ಹಿಡಿದ್ರು. ಅವರಿಗೆ ಮೆಜಾರಿಟಿ ಇತ್ತಾ. ಅವರಿಗೆ ಯಾವ ನೈತಿಕತೆ ಇದೆ ನನ್ನ ಬಗ್ಗೆ ಹೇಳುವುದಕ್ಕೆ. ನಾನು ಐದು ವರ್ಷ ಸಿಎಂ ಆಗಿದ್ದೆ. ಈ ರೀತಿ ಹಿಂಬಾಗಿಲಿನಿಂದ ಬಂದು ಅಧಿಕಾರ ಹಿಡಿದಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಇನ್ನೂ ಸಾಕಷ್ಟು ಬಾರಿ ಸುಧಾಕರ್​​ಗೆ ಬೆಂಬಲ ಸೂಚಿಸಿದ್ದೆ. ಆದರೆ ಈ ರೀತಿ ಬೆನ್ನಿಗೆ ಚೂರಿ ಹಾಕ್ತಾನೆ ಅಂತಾ ಅಂದ್ಕೊಂಡಿರಲಿಲ್ಲ. ನಿಯಂತ್ರಣ ಮಂಡಳಿಯ ಕುಮಾರಸ್ವಾಮಿ ಅವರು ಬೇಡ ಅಂದ್ರು. ಆದರೆ ಸುಧಾಕರ್​​​ಗೆ ಕೊಡಲೇಬೇಕು ಅಂತ ಕೊಡಿಸಿದ್ದೆ. ಆದರೆ ಅದು ಕಿತ್ತು ಹೋಯ್ತು ಎಂದರು.

ಸುಧಾಕರ್‌ಗೆ ಶಾಸಕ ಸ್ಥಾನ ಬೇಡ ಅಂದ್ರು ಆದರೆ ನಾನೇ ತಪ್ಪು ಮಾಡಿಬಿಟ್ಟೆ. ಈಗ ಪಶ್ಚಾತ್ತಾಪ ಪಡ್ತಾ ಇದ್ದೀನಿ. ಪಕ್ಷ ಬಿಟ್ಟು ಹೋಗಲ್ಲ ಎಂದು ಪ್ರಮಾಣ ಮಾಡಿದ್ದ. ಆದರೆ ಈ ರೀತಿ ಡೋಂಗಿ ರಾಜಕೀಯ ನಡೆಸುತ್ತಾನೆಂದು ಅಂದುಕೊಂಡಿರಲಿಲ್ಲ. ಚಿಕ್ಕಬಳ್ಳಾಪುರಕ್ಕೆ ಅನುದಾನ ಬಂದಿದೆ ಅಂದ್ರು ಅದು ಯಾರು ಕೊಡಿಸಿದ್ದು ನನ್ನ ಅವಧಿಯಲ್ಲಿ ಬಂದಿದ್ದು ಎಂದು ಕಿಡಿಕಾರಿದ್ರು.