ಚಿಕ್ಕಬಳ್ಳಾಪುರ: ಯಾವ ನಿಯಮಗಳ ಅಡಿಯಲ್ಲಿ ಎಲೆಕ್ಷನ್ ಕಮಿಷನರ್ ಬಿಬಿಎಂಪಿಯವರಿಗೆ ಹೇಳಿದ್ದಾರೋ ಅದೇ ನಿಟ್ಟಿನಲ್ಲಿ ಬಿಬಿಎಂಪಿ ಗುತ್ತಿಗೆ ಸಂಸ್ಥೆಗೆ ಆದೇಶ ಕೊಟ್ಟಿದ್ದಾರೆ. ಗುತ್ತಿಗೆ ಸಂಸ್ಥೆ ಆ ನಿಯಮಗಳನ್ನು ಮೀರಿ ನಡೆದರೆ ಕಾನೂನು ಕ್ರಮ ಆಗುತ್ತದೆ. ಅದು ಬಿಟ್ಟು ಗುತ್ತಿಗೆದಾರರು ತಪ್ಪು ಮಾಡಿದರೆ ಬಿಬಿಎಂಪಿ ಕಮಿಷನರ್‌ಗೆ ಹೇಗೆ ಶಿಕ್ಷೆ ಆಗುತ್ತೆ? ಇದೊಂದು ಸಣ್ಣ ಕಾಮನ್ ಸೆನ್ಸ್, ಅದೂ ಕೂಡ ಕಾಂಗ್ರೆಸ್ನವರಿಗೆ ಇಲ್ವಾ ಎಂದು ಆರೋಗ್ಯ ಸಚಿವ ಡಾ.ಸುಧಾಕರ್ ಪ್ರತಿಕ್ರಿಯಿಸಿದರು.
ನಗರದ ತಾಲೂಕು ಆವರಣ ಕಚೇರಿಯಲ್ಲಿ ಆಯೋಜಿಸಿದ್ದ ಜನಾತಾ ದರ್ಶನ ಕಾರ್ಯಕ್ರಮದಲ್ಲಿ ಓಟರ್ ಐಡಿ ಹಗರಣಕ್ಕೆ ಸಂಬಂಧಿಸಿದಂತೆ ಮಾತನಾಡಿದ ಅವರು, ಕಾನೂನಿನ ಹೋರಾಟ ಮಾಡುವುದಕ್ಕೆ ಸರ್ವರು ಸ್ವತಂತ್ರರು. ಆದರೆ 2013 ರಲ್ಲಿ ಹಾಗೂ 2014 ರಲ್ಲಿಯೂ ಬಿಬಿಎಂಪಿ ಎನ್ಜಿಓಗೆ ಕೊಟ್ಟಿದ್ದಾರೆ. ಆಗ ಆಡಳಿತದಲ್ಲಿದ್ದವರು ಯಾರು? ಯಾಕೆ ವಿರೋಧ ಮಾಡಿಲ್ಲ? ನಾವು ಬಂದ ಮೇಲೆ ಹೊಸದಾಗಿ ಗುತ್ತಿಗೆ ನೀಡಿರುವುದಲ್ಲ. ಕಾಂಗ್ರೆಸ್ ಅವಧಿಯಲ್ಲೂ ಬಿಬಿಎಂಪಿ ಗುತ್ತಿಗೆಯನ್ನು ಕೊಟ್ಟಿದ್ದಾರೆ. ಬಿಬಿಎಂಪಿ ಅವರು ಒಂದು ನಿರ್ಧಿಷ್ಟ ಕಾರಣಕ್ಕಾಗಿ ಒಂದು ಸಂಸ್ಥೆಗೆ ಗುತ್ತಿಗೆ ನೀಡಿರುತ್ತಾರೆ. ಒಂದು ವೇಳೆ ಅದನ್ನು ಮೀರಿ ಸಂಸ್ಥೆ ನಡೆದುಕೊಮಡರೆ, ಸಂಸ್ಥೆಯ ಮೇಲೆ ಕಾನೂನು ರೀತಿಯ ಕ್ರಮ ತೆಗೆದುಕೊಳ್ಳಲಾಗುತ್ತದೆ ಎಂದು ಹೇಳಿದರು.
ಜನತಾದರ್ಶನದ ಕುರಿತು ಮಾತನಾಡಿ, ಸಾವಿರಾರು ದೂರುಗಳು ಕೇಳಿ ಬಂದಿದ್ದವು, ಕೋವಿಡ್ ಸಂದರ್ಭದಲ್ಲಿ ಜನತಾ ದರ್ಶನ ಮಾಡಲು ಸಾಧ್ಯವಾಗಿಲ್ಲ. ಈಗ ಮತ್ತೆ ಜನತಾದರ್ಶನ ಮಾಡುತ್ತಿದ್ದೇನೆ. ಅರ್ಜಿ ಕೊಟ್ಟ 30 ದಿನಗಳ ಒಳಗೆ ಪರಿಹಾರ ನೀಡಲಾಗುತ್ತದೆ. ಬಿಜೆಪಿ ಸರ್ಕಾರದಿಂದ ಜನಸ್ನೇಹಿ ಆಡಳಿತ ಸಿಗಬೇಕು ಎನ್ನುವ ನಿಟ್ಟಿನಲ್ಲಿ ಈ ಕಾರ್ಯಕ್ರಮ ಮಾಡಲಾಗುತ್ತಿದ್ದು, ಇಂದು ಬೆಳಗ್ಗಿನಿಂದ ಸಾವಿರಾರು ಸಂಖ್ಯೆಯಲ್ಲಿ ಅರ್ಜಿಗಳು ಬಂದಿವೆ ಎಂದರು.
ಇದನ್ನೂ ಓದಿ: ಚಿಲುಮೆ ಸಂಸ್ಥೆಗೆ ಅನುಮತಿ ಕೊಟ್ಟಿದ್ದೇ ಸಿದ್ದರಾಮಯ್ಯ ಸರ್ಕಾರ, ಕೂಡಲೇ ಅವರು ರಾಜೀನಾಮೆ ಕೊಡಲಿ: ಎನ್.ರವಿಕುಮಾರ್
