ಸೋತರೂ ಧೃತಿಗೆಡಲಿಲ್ಲ.. ಮತದಾರರಿಗೆ ಸಿಹಿ ಹಂಚಿ ಕೃತಜ್ಞತೆ ಸಲ್ಲಿಸಿದ ಅಭ್ಯರ್ಥಿ

ಗಂಗಸಂದ್ರ ಪಂಚಾಯತ್​ನ ವಾರ್ಡ್​ವೊಂದರ ಅಭ್ಯರ್ಥಿ ಸುನೀಲ್ ಕೇವಲ ಎರಡು ಮತಗಳಿಂದ ಸೋಲನ್ನನುಭವಿಸಿದ್ದರು. ಆದರೆ, ಸೋಲನ್ನು ಪರಿಗಣಿಸದೇ ಮತದಾರರಿಗೆ ಸಿಹಿ ಹಂಚಿದ್ದಾರೆ. ಜೊತೆಗೆ ಸಮಸ್ಯೆಗಳ ಬಗ್ಗೆ ತಿಳಿದುಕೊಂಡು ಅಧಿಕಾರಿಗಳ‌ ಗಮನಕ್ಕೆ ತರುವುದಾಗಿ ಭರವಸೆ ನೀಡಿದ್ದಾರೆ.

ಚಿಕ್ಕಬಳ್ಳಾಪುರ: ಸೋತ ಅಭ್ಯರ್ಥಿಯೋರ್ವ ತನ್ನ ವಾರ್ಡ್​​ನ ಮನೆ ಮನೆಗೂ ತೆರಳಿ ಸಿಹಿ ಹಂಚಿ ಜನರ ಸಮಸ್ಯೆಗಳನ್ನು ತಿಳಿಸುವಂತೆ ಮನವಿ ಮಾಡಿ, ಮುಂದಿನ ಚುನಾವಣೆಯಲ್ಲಿ ಮತಗಳನ್ನು ನೀಡುವಂತೆ ವಿನೂತನ ಪ್ರಚಾರ ನಡೆಸಿ ಗ್ರಾಮಸ್ಥರ ಮನೆ ಮಾತಾದ ಘಟನೆ ಜಿಲ್ಲೆಯ ಗೌರಿಬಿದನೂರು ತಾಲೂಕು ವ್ಯಾಪ್ತಿಯಲ್ಲಿ ನಡೆದಿದೆ.

ಗಂಗಸಂದ್ರ ಪಂಚಾಯತ್​ನ ಪಕ್ಷವೊಂದರ ಬೆಂಬಲಿತ ಅಭ್ಯರ್ಥಿ ಸುನೀಲ್ ಕೇವಲ ಎರಡು ಮತಗಳಿಂದ ಸೋಲನ್ನನುಭವಿಸಿದ್ದರು. ಆದರೆ, ಸೋಲನ್ನು ಪರಿಗಣಿಸದೇ ಮತದಾರರಿಗೆ ಸಿಹಿ ಹಂಚಿದ್ದಾರೆ. ಜೊತೆಗೆ ಸಮಸ್ಯೆಗಳ ಬಗ್ಗೆ ತಿಳಿದುಕೊಂಡು ಅಧಿಕಾರಿಗಳ‌ ಗಮನಕ್ಕೆ ತರುವುದಾಗಿ ಭರವಸೆ ನೀಡಿದ್ದಾರೆ.

ಈ ಸುದ್ದಿಯನ್ನೂ ಓದಿ: ಕಣ್ಣಿಗೆ ಬಟ್ಟೆ ಕಟ್ಟಿ ಹಾರ್ಮೋನಿಯಂ ನುಡಿಸುತ್ತಾನೆ ಈ 13ರ ಪೋರ!

ತನ್ನ ಕ್ಷೇತ್ರದ ಜನತೆ ನೀಡಿದ ಅತ್ಯಮೂಲ್ಯ ಮತವನ್ನು ತನ್ನ ಗೆಲುವೆಂದು ಭಾವಿಸಿ, ಗಂಗಸಂದ್ರ ಪಂಚಾಯತ್​​​ ವ್ಯಾಪ್ತಿಯಲ್ಲಿ ಸ್ಪರ್ಧಿಸಿದ್ದ ವಾರ್ಡ್​​ನ ಪ್ರತಿ ಮನೆ ಮನೆಗೂ ತೆರಳಿ ಕೃತಜ್ಞತೆ ಸಲ್ಲಿಸುತ್ತಿರುವುದಾಗಿ ಸೋತ ಅಭ್ಯರ್ಥಿ ಸುನೀಲ್ ಹೇಳಿಕೆ ನೀಡಿದ್ದಾರೆ.