ಚಾಮರಾಜನಗರ : ಇಂದು ಐಪಿಎಲ್ನಲ್ಲಿ ಪಂಜಾಬ್ ವಿರುದ್ಧ ಆರ್ಸಿಬಿ ರೋಚಕ ಜಯ ಸಾಧಿಸುತ್ತಿದ್ದಂತೆ ಅಭಿಯಾನಿಯೊಬ್ಬ ಮಲೆ ಮಹದೇಶ್ವರನಿಗೆ ವಿಶೇಷ ಪೂಜೆ ಸಲ್ಲಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಆರ್ಸಿಬಿ ಗೆಲುವಿಗಾಗಿ ಅಭಿಮಾನಿಯಿಂದ ಮಲೆ ಮಾದಪ್ಪನಿಗೆ ಪೂಜೆ, ಈಡುಗಾಯಿ..
ಹನೂರಿನ ಎರಡನೇ ವಾರ್ಡ್ ನಿವಾಸಿ ಮಂಟೇಸ್ವಾಮಿ ಎಂಬ ಆರ್ಸಿಬಿ ಅಭಿಮಾನಿ ಇಂದು ಮಧ್ಯಾಹ್ನ ಮಲೆ ಮಹದೇಶ್ವರ ಬೆಟ್ಟದಲ್ಲಿ ಕರ್ಪೂರದಲ್ಲಿ ಆರ್ಸಿಬಿ ಎಂದು ಬರೆದು, ತೆಂಗಿನಕಾಯಿ ಮೇಲೆ 'ಈ ಸಲ ಕಪ್ ನಮ್ದೆ' ಎಂದು ಬರೆದು ಈಡುಗಾಯಿ ಒಡೆದು ಗೆಲುವಿಗಾಗಿ ಪ್ರಾರ್ಥಿಸಿದ್ದರು.
ಕಾಕತಾಳೀಯವೆಂಬಂತೆ ರೋಚಕ ಹಣಾಹಣಿಯಲ್ಲಿ ಬೆಂಗಳೂರು ತಂಡ ಗೆಲುವಿನ ನಗೆ ಬೀರಿದ್ದರಿಂದ ಈ ಅಭಿಮಾನಿ ಪೂಜೆ ಮಾಡಿದ ವಿಡಿಯೋ ವೈರಲ್ ಆಗುತ್ತಿದೆ. ಈ ಹಿಂದೆ ಚಿನ್ನದ ರಥಕ್ಕೆ ಹಣ್ಣು, ಜವನ ಎಸೆಯುವ ಮುನ್ನ 'ಈ ಸಲ ಕಪ್ ನಮ್ದೆ' ಎಂದು ಬರೆದು ಎಸೆದಿದ್ದ ವಿಡಿಯೋ ಭಾರಿ ವೈರಲ್ ಆಗಿತ್ತು.
